كنا بنبحث و نتجول في بوستات الفيسبوك عشان نلاقي صفحة ما تُدعى بـالمنصة ومنعرفش أيه هيا المنصة ولا توجهها او مين بيدعمها و لكننا عند تصفح بوستات الصحفة لقيناها بتحمل الكثير من افكار اليسار العفن.
فلفت نظرنا مقال فيها بعنوان
"لماذا أخاف الكيمتيين ولا اخشى الأفروسينتريك"
لكاتب من الواضح انه يساري ولكننا لا نعرفه يُدعى "يحيى وجدي" فبرغم نعته لنا بالهمج في مقاله والكثير من الصفات التي لا تليق ولكن هنرد عليه بالمنطق لا بالتقليل زي معمل معانا وهنهدم حجتة الفارغة.
في البداية والله كنا مش عايزين نرد عليه اصلا مع الاحترام له لاننا وجدنا ان الصحفة اصلا محدش مهتم بيها وده مش تقليل لهم ولكن دي الحقيقة بجد فقلنا كده كده كلامه مش هيأثر خصوصا انه مش متشاف و ده الحمدلله و من فضله يارب تفضل مش متشافه للأفكار الي فيها يعني لكن ناس كتير قالولنا ردوا فهنرد برغم اننا بنعتبر كده اننا بنعملهم دعايا بس ما علينا يعني.
اننا عنصريين
يبدأ من يدعو بالاستاذ يحيى وجدي و يقول في مقال ويدعي اننا عنصريين وهو اتهام فارغ و نحب نقوله "غير بقا غير حضرتك" يعني مش كل متتكلموا تقولوا عنصريين زهقنا من النغمة دي الي اعرفة اني ارد بالمنطق مش بألقاء الاتهامات بدون دليل و اللعب على المشاعر و العواطف.
خلاص الناس شبعت من ده و بقت اذكى من كده انتوا ليه مصممين تستخفوا بعقول الناس!
ويكمل كلامة ويقول اننا بندعي الشعب بالتفاخر انهم مصريين وبيعتبر ان دي حاجه وحشه ؟
طب اما نقول للناس تفتخر انها مصرية في رأيك هل دي تهمة يا استاذ يحيى؟ مش عارف بصراحة اقول ايه نسيب الحكم لكم الاستاذ شايف اننا لما نفتخر بحضارتنا ونقول للناس تفتخر بمصريتها يبقي كده تهمة ياريت تضحكوا في صمت مش هنرد بس الناس الي هترد عليك .
ويكمل بعدها ويقول اننا بنعنصر علي كل الدول والخليج اولاً يا استاذي احنا مش بنعنصر علي حد وكل الي بيطلع مننا ما هو الا رد فعل علي الي غلط فينا دايماً هتقولي دي حالات نادرة هقولك لا انت مش شايف احنا شايفين ومش متابع و غير كده حتى لو حالات نادرة وجب الرد عليها لان اي أمة عايزه تعمل لنفسها كرامة لازم ترد لأنك بعدم ردك هتفتح باب لكل واحد يتشجع علينا .
احنا انعزاليين
وبعدين بيكمل كلامه فيما معناه اننا عايزين ننعزل من محيطنا في المنطقة.
اولاً نحب نرد علي هذا الادعاء احنا عمرنا مقلنا كده ولا مع ده نهائي كلنا عارفين ان فيه حلفاء لنا مهمين في المنطقة من دول شمال افريقيا والخليج والشرق الاوسط وافريقيا كمان صحيح ممكن نختلف سياسياً فحاجات ونتفق في حاجات بس هي دي السياسية لو عايز يكون لك كلمه لازم يكون لكن حلفاء ده جزء من اللعبة لكن كل الي بنقوله اننا منبقاش منبطحين و يبقي لنا رأي و مصلحة بلدي فوق كل شئ و اظن ان ده دول كتير بقت توعي له حتي دول الخليج وهي دي السياسة ولو حضرتك مش موافق علي ده فمش عارف انت بتفكر ازاي بصراحة.
وبيكمل كلامه وبيقول ان احنا بنعامل الرئيس السيسي كأنه احمس وكأن الجاليات الي عندنا هم هكسوس اولاً الرئيس السيسي حاكم متفرد مش بنقارنة بأي حد وكل رئيس جه مسك مصر كان له بصمتة الخاصة الي بتميزه عن اي رئيس وهنا نحب نقول لحضرتك اننا مش بنقول ان السيسي احمس السيسي رئيس مصري محترم بيحب بلده وعشان كده احنا لو دعمناه فبندعمه عشان بلدنا مصر لانه رمز لبلدنا ومش معني كده اننا مع الحكومة فكل شيئ احنا وطنيين وقوميين مش طبالين فيه فرق كبير بس لو الرئيس بيعمل حاجه كويسة لبلدنا لابد نشيد بيها و لو فيه خطأ وجب نقول رأينا بس بأحترام و بأدب و اما يكون عندنا معلومات كافية للنقد
وبالمنطق مش بالشتيمة والعواطف زي اسلوب حضرتك
الجاليات هكسوس
بعدين بيكمل كلامه و يقول اننا بنقول علي الجاليات هكسوس
اولاً التاريخ يا استاذ مش بيتكرر لكن بيتشابه الهكسوس كانو جماعة قادمين من اسيا ومن الشام ودخلوا علي مصر بصداقة وحب لحد ما تمكنوا وسيطروا وعادوا شعب مصر لحد ما الشعب طردهم شر طرده فاما احنا بنشبه حد بالهكسوس ده مش راجع للنعصرية قد ما هو مراعاه ما حدث سابقاً واننا بنتعلم من تاريخنا شوف يا حبيبي كده عدونا الشرقي ازاي اخد اراضي فلسطين وانت تعرف من حقنا نقلق ولا لا وبعدين احنا مش بنقول ان كلهم وحشين بس الاغلبية كده شوف سلوكياتهم في مصر ولا انت نايم؟
غير كده احنا مش بنقول اننا عرق سامي مفيش زية لا احنا بنفتخر اننا مصريين بچيناتنا هل فدي حاجه عيب لا سمح الله؟
ويكمل كلامه ويقول السيسي والكباري والاقتصاد وكده .
هنا نأتي للي بنسميه غباء سياسي هو حضرتك عمرك سمعت عن دولة لها اقتصاد قوي وسياحة وتجارة بدون طرق ممهده وبنية تحتية؟
اعتقد ان بالجملة دي بس بعد مقلناها المفروض لو عند حضرتك موضوعية متجيبش سيرتها تاني لان ده كلام يدعوا للضحك ومستهلك ومش منطقي بنسمية بالعربي كلام مساطب من الي بيقولو اغلب الشعب بدون وعي ولا فهم للواقع والمفروض المفروض ان انت يعني يساري جامد وفاهم غير كده حضرتك متعرفش ان فيه ازمة اقتصادية عالمية؟
بصراحة ولله صدقني احنا فعلا ولله مع احترامنا الكامل لشخصك بس فعلا مثالك الي حضرتك فاكره جامد ده وجلدتنا بقا وبتاع ده يدعوا للضحك ومكنش يستاهل عناء الرد غير اما اضطرينا لده اننا نرد بسبب الناس.
وبعدين حضرتك بتقول اننا مركزين علي الحضارة المصرية وسايبين باقي الحاجات زي فتره ثورة ١٩١٩ مش بنفتخر بيها و فترات كتير من مصر مين قال لحضرتك الادعاء الكاذب ده حضرتك احنا صورة الكافر بتاعتنا احنا كصفحة اصلا فيها مصريين علي مر العصور و بنفتخر بكل مصري وطني.
بالمناسبة احنا مش من هواه فترة مصر ايام الملكية ولنا أسباب كثيره ربما يختلف عليها حتي ناس من الصفحة عندنا بس بشكل عام بنفخر بكل ما هو مصري وطني مش بس الحضارة المصرية.
احنا مثلا بنحب عبد الناصر صحيح ممكن نختلف معاه لكن إجمالاً كان رئيس وطني والهوية المصرية مش مقتصره بس على فتره معينه مصر هويتها فرعونية مسيحية إسلامية مصر خليط من كل ده.
التنوع الثقافي
احنا مش ضد التنوع الثقافي انما ضد الغزو الثقافي من أمة لأمة خصوصاً لو بتبث افكار غربية يسارية زي الزفت في المجتمع فسامحني مش انت يا يساري حضرتك الي هتعرفني لازم نعتز بأيه انت اصلا ملكش عزيز ومستعد تبيع ثقافتك قصاد ثقافات غربية دخيله فبلاش نلعب اللعبة السخيفة دي ونضحك علي الناس الغلابة عشان الناس ذكية وبلاش نستخف بعقل الناس لاننا عارفين انتوا ايه واحنا ايه والناس الواعية نفسها عارفة ده.
وبعدين حضرتك بتقول ان الهراء وسميتة بهراء واحنا بنقترح انك تخلي رأيك لنفسك زي محنا كده احترمنا رأيك وسمعناه برغم انه مثير للضحك برضو بالنسبة لينا بس عل اقل ردينا عليك بأحترام انت كمان متحجرش علي رأي حد وبعدين يعم هراء اعتبره هراء هل فيه ماده في الدستور تمنع المواطن من الغباء او الهراء؟
يعم احنا اغبياء وبنحب بلدنا وبندعمها وقوميين ملكش دعوة وخليك فرأيك واحنا لنا رأينا والقارئ هو الي يحكم مين الصح فينا لا انت ولا احنا بس بطل مصادرة على الآراء دي مش اي حد ضدك يبقي بيهري دنتوا مصدعينا بالحرية ليل نهار و تقولو علينا ديكتاتوريين واما نقول رأينا تقولو هراء و تزايدوا عليه ايه التناقض ده؟ بصراحه ضحك بجد.
غير كده انت بتقول ان الهراء ده بدأ مع موكب نقل المومياوات احب اصحح لحضرتك المعلومة انه لا.
شفت بقا انك محتاج تراجع و تذاكر قبل متتكلم الحقيقة انه قبل كده بكتير القومية المصرية بدأت اصلا كفكرة من ايام ١٩١٩ و من قبل كده كمان.
ابحث في التاريخ و انت تعرف شوفت انك مش مذاكر اما لو تقصد حديثاً فهي من قبل موكب المومياوات كمان وكانت عند شباب كتير وكبار و صغيرين بس مكنش لهم صوت يتكلموا لان للأسف انتوا بس الي كنتوا علي الساحة فمكنش للمواطن.
حل غير انوا يسمعلكم انتوا بس لكن طبعا مؤخرا فأخر كام سنه بقا لينا منصات نتكلم فيها ووعينا ناس كتير من الافكار السودة الي بتوصلوها للناس وبصراحة ليك حق تضايق لان مفيش حد بقا يشتري منكم و من منتجكم الي اصبح منتج عفن بقالكم اكتر من كام سنه بتتكلموا عملتوا ايه لمصر؟ مش آن الاوان بقا ان الناس تسمعنا احنا؟ وتجربنا احنا مش يمكن احنا الي صح.
و احب ابشرك بشاره سوداء لك و سعيدة لنا اننا هنكبر اكتر و اكتر و بالفعل ده ابتدي شوف كام واحد عارفكوا فل شارع او سمع عنكم دلوقتي مش هتلاقي لان خطابكم اصبح مستهلك و ضعيف.
وشوف احنا كام واحد بقا وطني وقومي وخطابنا بقا مستمر في النمو فمعلش بقا الايام الجاية بتاعتنا احب اعزيك في الخبر ده معلش لانك مش بتطيق تشوف حد وطني او قومي بس معلش بقا ليس كل ما يتمناه المرء يناله كان فيه يسار و خلص.
أخر حاجة حابين نرد عليك فيها انت بتقول اننا وجدنا الافروسينتريك حجه عشان نطلع و فنفس الوقت بتقول اننا طالعين من ايام موكب المومياوات ايه التناقض ده مش تحدد بقا احنا طالعين من قريب ولا من بعيد ؟ عموما لا يا حبيبي يا يساري يا استاذ يحيى وجدي.
احنا طالعين من زمان زي مقولتلك بس الفرق اننا بنخاف علي تاريخنا يتسرق مش زيك هتقولي مين قال كده؟ انا بخاف علي بلدي.
هقولك مكنتش سميت جزء من عنوان مقالك "لا اخشي الافروسينتريك" وبعدين هو اي مدافع عن تاريخ بلده بقا كميتاوي ما باسم يوسف طلع دافع عن موضوع فيلم كيلوباترا بقا كميتاوي او قومي خلاص ؟! الفكره كلها بتتلخص انت وطني ولا لا.
عموما ياريت نكون عند حسن ظنك و منسمعش اراء حضرتك الجميلة دي تاني وشكراً لتفهمك ومع كامل الإحترام لشخصك الكريم احنا اه بننتقد افكار نقد لازع بس مش اشخاص.
Комментарии