احترام وتقديس العلم المصري

العلم المصري واجب احترامه وتقديره بنسمع وبنشوف عدم تقدير للعلم المصري والنشيد الوطني في المدارس للأسف الشديد لكن على العكس تماما

اللي بنشوفهم بيستهزأوا ويقلوا من احترام علم مصر تلاقيه حاطط علم فلسطين بروفايل أو ممكن يلبس حظاظة بالعلم الفلسطيني أو يرفعه في حفلة أو لما يكسب بطولة رياضية أو في حفل تخرجه أو او او او

الثقافة دي لازم تتغير انتماءك الأول والوحيد يكون لبلدك مترفعش ولا تفتخر بعلم غير علم مصر واجب وفرض عليك احترامه مهما كان توجهك السياسي لكن ده علم الدولة المصرية كون انك مش بتحترمه يبقا انت مش بتحترم الدولة المصرية وانت مصري "بجواز السفر بس" معندكش اختيار غير احترام علم مصر.

ارفعوا علم مصر وانتوا في حفلة أو لما تكسبوا بطولة علقوا علم مصر على سطح البيت وعلى العربية وفي البلكونة افتخر بمصريتك متبقاش دوني

علموا أولادكم احترام وتقديس العلم المصري والوقوف احتراما للنشيد الوطني المصري واحترام تحية العلم في المدارس أو غيره

مش هتلاقوا دولة تحترمكم غير لما تحترموا دولتكم ورموزها وعلمها تقديس العلم والنشيد الوطني المصري هو احترام الدولة المصرية ومن أهم الحاجات اللي لازم تكون موجودة في اي مصري ومصرية

متحطوش اي علم غير علم مصر على البروفايل واكتر دولة محتاجة دعم منكوا هي بلدكوا علم مصر هو رمز الدولة المصرية قدام جميع دول العالم احترام الدولة من احترام علمها