الإسلام بين التسلف والتصوف

نبذة بسيطة جداً عن الصوفية

الصوفية ظهروا من ١٤٠٠ سنة فيقال إن اول صوفي في الإسلام هو الإمام حسن البصري من أكابر علماء التابعين

التصوف مش مذهب في العقيدة او مذهب فقهي التصوف هو سلوك.

معاملتك مع جيرانك ومع المسلمين وغير المسلمين ومع ربنا ومع كل الخلق.

الي بيهتم بيها هو التصوف بيهذبها ويقومها، فالتصوف بيهتم بالروح وكيفية الإرتقاء بها.

والتصوف بيقوم علي ٣ حجات هما الإسلام، الإيمان، الإحسان.

من أجمل الأشياء الي قريتها عن الصوفية قول "زكي مبارك" :

"الصوفية هم في الأصل عشاق تحولوا من الحب الوجداني إلى الحب الروحاني"

والتصوف مش بس مقتصر علي الدين الإسلامي التصوف موجود في كل الأديان السماوية وغير السماوية كمان.

ده بإختصار بسيط

نيجي للتسلف

السلفية المعاصرة ظهرت في القرن القبل الماضي مع محمد بن عبد الوهاب.

وظهرت بدعم من بريطانيا عشان تحرض القبائل العربية إنها تنفصل عن الدولة العثمانية بس ده مكنش أول ظهور ليها

بإختصار بسيط برضة وده علي. لسان الشيخ الدكتور / أسامة الأزهري عالم من علماء الأزهر الشريف ومستشار رئيس الجمهورية للشئون الدينية الي قال:

السلفية ليهم أربع موجات علي مر التاريخ أول موجه ظهرت بعد موت النبي وتمثلت في فكر الخوارج وتصدي لهم الإمام علي بن ابي طالب بالعقل والمنطق والعلم وانهيّ وجودهم وبعدين ظهرت تاني مرة مع ابن تيميه فهو مؤسس الفكر السلفي التيمي المتطرف ولكن علماء عصره ردوا عليه وتصدوا له وانتهي الفكر التيمي حتي جاء محمد بن عبد الوهاب وأحيا الفكر التيمي المتطرف مرة اخري ولكن كان بدء في التلاشي ولكن مع الدعم الخزعبلي من جهات معلومة أنفقت ملايين الدولارات انتشر الفكر السلفي بقوة بين البسطاء والعوام.

السلفية فرقة ظهرت لتفرق

السلفية بتكفر كل المسلمين وعندهم معتقد أنهم الفرقة الناجية وكل المسلمين في النار.

شايفين الصوفية دول مشركين للعلم (الأزهر مؤسسة صوفية)

فتلاقية بيكفر شيخ الأزهر والدكتور علي جمعة والي حاولوا يغتالوه في ٢٠١٦ وهوا خارج من المسجد وكل علماء الأزهر الشريف بالنسبالهم كفار.

ومن هنا ظهر ان دمائهم مستباحة وحلال قتلهم

فاكرين مسجد الروضة الي تم الهجوم عليه في ٢٠١٧ وقتل أكتر من ٣٠٠ مصلي داخل المسجد.

عارفين قتلوهم ليه عشان كان من أهل التصوف وساعتها السلفيين كانوا بيتناقشوا هل حلال نترحم عليهم ولا يستاهلوا الي حصلهم مهم كدا كدا كُفار.

داعش والقاعدة وجميع التنظيمات الإرهابية الي ظهرت وهتظهر خارجة من رحم السلفية.

شيخ الأزهر الإمام احمد الطيب قال في لقاء تلفزيوني قبل كدا " السلفية هم خوارج العصر "

ولكن قدروا يضحكوا علي الناس البسيطة بالدقن والجلابية.

السلفيين هم خطر علي المجتمع

إنتشار السلفية مش هيعمل فتنة بين المسيحين والمسلمين بس إنتشار السلفية بيعمل فتنة بين المسلمين وبعضهم

عشان كدا بنناشد كل مسئول أنهم يتصدوا لهذا الفكر

الفكر السلفي أخطر من الفكر الإخواني بمراحل ويوم ميتمكنوا الوضع هيبقي سئ جداً.

طلاب الأزهر الشريف وعلمائه الكبار بيحاولوا يتصدوا ليهم لكن للأسف هما اتمكنوا بشكل كبير من العوام.

وقدرو انهم يخترقوا المؤسسة الأزهرية ولكن زي م التاريخ علمنا أنهم هيرجعوا من حيث ما أتو وهيندفن منهجهم العفن.

ولكن لحد مده يحصل ف أحنا محتاجين نوعي كل الناس بخطرهم وبضرورة التصدي ليهم.