الإعلام الموجه وأزمة امال ماهر.

بعد ما كلنا عاصرنا الأحداث اللي حاول فيها شوال الرز الشهير بتركي ال شيخ التدخل بكل الطرق في الحياة الترفيهية والفنية والرياضية في مصر.

وخلال رحلته قدر يشترى ذمم داخلية تعاونه في مهمته، بس ايه هي مهمته؟

خلال اللي لاحظناه مهمته مكانتش مجرد استثمار، لا طبعا، دي كانت ليها هدف موجه، ونستدل على ده بإيه؟

في الوقت اللي حارب فيه نقيب الموسيقيين هاني شاكر بعض مشاكل مغنيي المهرجانات، لقينا المغنيين دول بيتكرموا في السعودية، اللي رئيس هيئة الترفيه فيها هو شوال الرز نفسه.

طب اشمعنى؟ الهدف الواضح هو تشجيع الانحدار الفني في مصر.

ولقينا السعودية بتعمل مهرجان سينمائي، وجايبين ممثلين مصريين يطبلولهم.

وبيساعدوا في عمل أعمال فنية تشوه سمعة مصر، ولقينا حرب بتتعمل على كل من حط كرامته فوق جيبه زي الفنان محمد صبحي، وخرب على اللي دعمه زي باسم سمرة، اللي اتوقف فورا مسلسله على شاهد وبعدها بيومين لقيناه رجع اعتذر للشوال.

طب هل انفتاح السعودية على الثقافة ممكن يضايقنا؟ بالعكس ده شيء يبسطنا ومفيد للجميع، انما اللي مضايقنا ان السعودية عايزة تسحب البساط من مصر تماما، زي ما جنكيز خان قال، مش كفاية انك تنتصر، لازم اللي حواليك يخسروا.

الصراع الفني والثقافي ده اتجسد مع ازمة الفنانة أمال ماهر وريثة أم كلثوم، اللي قدر شوال الرز يمضي معاها عقد احتكار تام ولما حصلت بينهم مشاكل قضى على مشوارها الفني كله، قعدها في البيت ومسح قناتها عاليوتيوب.

الموضوع خد اتجاه شعبي وطلع ترند انها مخطوفة، رغم انها فكرة خيالية، لكنه كان مهم جدا لدخول ازمة أمال ماهر منحني جديد، وهو ان الموضوع مبقاش شخصي بين شوال الرز والفنانة، لكنه أصبح صراع بين مصر والسعودية.

طبعا احنا مش عارفين اي هي أوراق الضغط اللي انداس بيها على الشوال، لكن اللي يهمنا ان الأزمة انتهت بخروج الشوال من مصر تماما وخروج الفنانة أمال ماهر للنور مرة تانية، وتم رفع علم مصر في حفلتها كإشارة واضحة لنتيجة المعركة.

طب هل ده معناه ان الشوال خسر وخلاص؟ طبعا لأ، بدأ شغل الإعلام الموجه (اللي شغال من زمان لكنه ظهر جدا دلوقتي) في التلسين والتشويه في أداء الفنانة، وطبعا الفيديوهات بتاعت الحفلة نقلت صورة حقيقية عن الواقع بعيدا عن هبد الألسنة الاعلامية السعودية الموجهة.

هل الحرب خلصت؟ لأ لأن السعودية شايفة مصر بوب المجال وعايزة تاخد مكانها، فأكيد هيكون في محاولات تانية.

احنا بنشكر كل من ساهم في حل أزمة الفنانة وخروج الشوال وذيله بين رجلية، ونتمنى ان أي شخص هيتحط في موقف مؤثر في الحرب دي يغلب المصلحة العامة على مصلحته الشخصية، الحرب لسه طويلة، خليكم متابعينها.