ازيكم / Ⲁⲣⲉⲧⲉⲛⲉⲣⲟⲩ
بما إننا موقع قومي ملتزم بالتوعية تجاه كل ما هو مصري، من تاريخ و حضارة و فن و تراث و هوية و غيرهم، منقدرش ننسى أحد أهم العوامل واللي بتمثل جزء كبير جدًا من تاريخنا كمصريين و حتى ممتدة معانا بشكل أو بآخر حاليًا
اللغة.
اللغة المصرية، لغة الأجداد و التاريخ المصري، لغة الحضارة المصرية و الأدب المصري و الفن المصري..هنكلمكم عن تاريخها و نشأتها و تطورها و نصحح مع بعض مفاهيم كتير منتشرة خطأ عنها زي هل هي فعلًا لغة ميتة و منقرضة؟
وايه علاقتها باللغة العربية و ايه دخلها بلهجتنا؟ و غيرهم..خصوصًا بعد إهتمام الدولة حاليًا بتدريسها و لو بشكل مبسط في المدارس
نبذة بسيطة: اللغة المصرية هيا لغة تتبع عائلة لغات تسمي اللغات "الافرواسيوية" و اللغة المصرية هيا الاقدم فيهم، اللغة المصرية كانت لغة الحضارة المصرية لاكتر من ٧٠٠٠ سنة و يزيد وحتي دخول الفاطميين لمصر و محاربتهم ليها.
اللغة المصرية لازالت مستمرة الي يومنا في هيئتين، داخلة في تكوين العامية المصرية و موجودة بشكل صريح في مسمي اللغة القبطية.
هيكون فيه ٣ مقالات تخص اللغة في الاسبوع ابتداء من بكرة ، و هنزل بوستات جانبية عن كلمات و أصولها ووجودها في حياتنا اليومية..و هنتعاون فيهم مع أكاديمية نارمر / Narmar Academy لتعليم اللغة المصرية صفحة جميلة جدًا.
Comments