تجميل الاحتلال وتمييعه

دايما بستغرب من التعاطف المستمر مع عدوان الكيان على القطاع واعتبار القضية دينية مش إنسانية وبستغرب برضه من رفض الاحتلال الفرنسي والبريطاني لمصر والترحيب بالاحتلال العربي والعثماني واعتبارهم "فتح" في تناقض تام.

لما قعدت افكر وأشوف ايه السبب اللي بيزرع وبينشر ده في عقول الأطفال هو المناهج الدراسية، بصيت في منهج الدراسات الاجتماعية لقيت تطبيل ما بعده تطبيل للاحتلال العربي واعتباره فتح والتغاضي التام عن كل الجرايم اللي العرب عملوها من اللحظة الأولى لدخولهم أرض مصر، والاكتفاء بذكر أن عمرو بن العاص أمن على كنائس المصريين. وعدم توضيح الأمور بالصورة الكاملة في "تجميل للاحتلال" في ظاهرة مش هتكون موجودة غير في منظومة تعليمية وثقافية يسيطر عليها الفكر السلفي الضال كون الاحتلال العربي ده كان مصحوب بدخول الإسلام لمصر. ومن بعض الجرايم دي اللي هنقوله دلوقتي

• الزم بن العاص بجانب فرض الجزية على المصريين تقديم ملابس قبطية للعرب منها جبة صوف وبرنس أو عمامة وسراويل وخفين في كل عام، أو بدل الجبة الصوف ثوب قطن.

• إما دفع الجزية أو انك تبيع زوجتك وأولادك للعرب.

• منع تدريس اللغة القبطية في المدارس.

• فرض على المصريين الجزية جزيتان‏ جزية على الرجال وجزية جملة تكون على أهل القرية وموت قبطي لا يرفع الجزية بل يدفعها الأحياء من المصريين.

• مذبـ.حة الفيوم اللي مات فيها اطفال وستات كتير على ايد العرب.

• قال هشام بن أبي رقية اللخمي‏:‏ قدم صاحب أخنا على عمرو بن العاص فقال له‏:‏ أخبرنا ما على أحدنا من الجزية فنصير لها‏.‏

فقال عمرو وهو يشير إلى ركن كنيسة‏:‏ لو أعطيتني من الأرض إلى السقف ما أخبرتكم إنما أنتم خزانة لنا إن كثر علينا كثرنا عليكم وإن خفف عنا خففنا عنكم.

وغيرها من الجرائم المرتكبة في حق المصريين اللي محدش بيتكلم عنها والمناهج الدراسية اللي بتتغاضى عن كل ده وبتكتفي بقول ان الاحتلال العربي أمن على كنائس المصريين دي مناهج مدلسة وكارثة في حق مصر والتاريخ المصرية والمصريين

طبعا كل ده بيحصل وبيتم التغاضي عن كل ده لسبب واحد وهو إن الاحتلال العربي ده بغطاء إسلامي زيه زي الاحتلال العثماني اللي بيتجمل برضه لدرجة أن في شارع باسم سليم الأول اللي ارتكب مذاـ.بح قتل فيها الآلاف من المصريين.

الفرق الوحيد بين الاحتلالين دول والاحتلال الإسرائيلي أو الانجليزي أو الفرنسي هو أن الاحتلال العربي والعثماني بغطاء ديني إسلامي فقط لا غير.

ازدواجية رهيبة ولازم كمصري تعرف إن مفيش فرق بين الاحتلالات