لحد كده وأعتقد أنه كفايه كده
الأستاذ ماهر عباس و غيره من الصحفيين و جرايدنا الجميلة الحبوبة سنة حملة أقل ما يقال عنها انها غريبة جدا علي وزير السياحة و الآثار الدكتور خالد عناني العظيم اللي يمكن من أحسن الوزراء اللي عدوا علي الوزارة و من قبله رانيا المشاط. الوزير مش بس حاليا بيهتم بمجرد الترميم و تنمية المناطق الأثرية و السياحية و استراتيحية الوزارة في الترويج و التسويق للسياحة عندنا اللي كلنا آخر فترة شفنا اخيرا مطارات زي مطار شرم الشيخ و الأقصر مليان مسافرين لينا قي مؤشرات كويسة جدا ان السياحة بتتعافى حتى في ظل المتحور الجديد لفيروس كورونا.
قالك و بيقولوا وزير الحفلات! وكإنهم يا حرام اتهروا حفلات آخر ٧ سنين فكفاية بقى حفلات و شو فارغ و خلينا ننمي مقتصد السياحة شوية يسيادة الوزير!
جهل تام بابراز مقومات الثقافة و الهوية المصرية و القوة الناعمة للدة و تناقض صريح بين كلامهم و ارض الواقع باعتيار ان ده كله كلام زينة خلينا نشوف المهم بقى و نلم الليلة يا وزير الحفلات. صحافتنا تعدت كل حدود الوضاعة و اللون الاصفر بهت من كتر سوء السمعة..خلينا نوجه رسالة و نقول للصحفيين كلهم اللي متدايقين من الحفلات اللي بتغير شكل مصر من بلد متملكها الارهاب و الفوضى و انعدام الامن لدولة فخورة بحضارتها و تراثها الحضاري و أجدادها إن دي مجرد البداية. و لسه هنشهد اعظم احتفالات مصرية خالصة كشعب مصري و العالم كله من اول موكب توت عنخ آمون لتعامد الشمس علي وجه رمسيس لافتتاح الاوكتاجون و العرض العسكري المهيب للجيش المصري العظيم لافتتاح العاصمة الادارية نفسها مرورا بافتتاح المتحف المصري و احنا لسه بنقولكم ان هيبقى فيه رأس السنة المصرية و عيد توحيد القطرين و تأسيس الدولة بإذن الله. فاسمعوا يا اللي بتقولوا وزير حفلات، انتم لسه مشوفتوس حاجة، ودمتم ......
Comments