النهاردة احنا مش جايين نتكلم بالراحة ولا نتفاهم ولا عالحياد.
الموضوع ده انا واخده بشكل شخصي وفي نفس الوقت بيعبر عن رأي الصفحة والموقع.
علاء عبد الفتاح " الناشط السياسي" اللي السيسي حابسه ظلم علشان بيقول رأيه عادي.
نبدأ نقول مين علاء عبد الفتاح ده؟
علاء عبد الفتاح هو شاب "غير يستحق أنه يكون مصري" يساري ثورجي من بتوع ثورة يناير 2011. ظهر علاء عبد الفتاح وهو بيتكلم على الجيش وبيقول أنه عايز يقطع ايد الجيش وعن الشرطة أنه عايز يقتحم الأقسام وعن القضاء أنه عايز "يشمخه" مع الاعتذار عن اللفظ.
كمان علاء ليه اكتر من تويته بيحرض فيها على ظباط الشرطة واولادهم وامهاتهم وهنقول بعض التويتات دي:
طيب انا بطالب بحرق جثث السادة الظباط واستخدامهم كوقود طبيعي لحين انتهاء أزمة السولار.
مادام مش عارفين نطول الظباط ما نشوف خلية إرهابية تقتل عيالهم وتعذب أمهاتهم
محدش هيعمل تنظيم مسلح يغتال ظباط الداخلية بشكل عشوائي ويخلصنا؟
أنا بفرح لما اقرأ اخبار مقتل ظباط.
علاء كمان اعترف أنه مش هيلتزم بأي قانون أو دستور وقال:
عاوز أوضح بس أن لو طهروا الداخلية وعملوا اجدع دستور وجابوا حاكم ثوري منتخب حبوب وكتبوا احسن قانون تظاهر في الدنيا برضه مش هلتزم بيه.
اخت الباشا بقا اللي اسمها سناء يوسف راحت بريطانيا وتنازلت عن الجنسية المصرية في صورة من صور الرخص مقابل الجنسية البريطانية وكل يومين تطلع تعيطلنا وتتكلم على اخوها المظلوم ي عيني والسيسي بيعذبه.
ومع بداية مؤتمر المناخ جت مصر مع الوفد الرسمي البريطاني على نفس الطيارة مع ريشي سوناك رئيس وزراء بريطانيا.
يا ترا ليه؟
بوضوح كدا دي عمالة وخيانة وعلاء واخته عملاء لبريطانيا علشان كدا قالبين الدنيا عليهم.
بالمناسبة علاء مش مسجون رأي أو مسجون سياسي علاء مسجون جنائي هيقضي مدته بالكامل ومفيش مخلوق هيقدر يفرض كلمته علينا. ابو الريش بتاع بريطانيا كان قاعد مع الرئيس السيسي ولما جه وقت الكلام عن علاء سأله ريشي والرئيس مردش عليه أساسا وغير الموضوع. طلع سوناك والصحفيين بيسألوه عن علاء فضل ماشي ومردش عليهم هو كمان، اصل هو هيرد يقول ايه؟ السيسي اداني خازوق؟
كمان الوزير سامح شكري كان مع قناة CNBC والمذيعة سألته هل هتتكلموا مع البريطانيين بخصوص المصري البريطاني علاء عبد الفتاح المضرب عن الطعام؟
قالها أنا شايف إن في موضوع أهم وأولوية دلوقتي وهو تغير المناخ، وعموما في تقارير سابقة عن حالات إضراب عن الطعام وماكانتش مؤكدة، وكده كده إدارة السجن بتوفر الرعاية الصحية للمساجين.
وعلى فكرة هو أساسا ماكملش الإجراءات اللي بيتطلبها القانون المصري في حالة ازدواج الجنسية علشان يبقى مصري بريطاني.
الموضوع خلصان ومعلومة مؤكدة 100% علاء عبد الفتاح مش هيخرج من السجن غير لما يخلص مدته الطبيعية اللي محكوم عليه بيها.
التويتات كلها هتكون في الكومنتات لو بتقرأ المقالة على الفيس وهتكون الصور موجودة لو بتقرأ على الموقع.
وبعدين عايز اعرف ايه علاقة مؤتمر المناخ بواحد ارهابي زي ده؟ يعني هو شجرة مثلا؟ م هو لو شجرة عرفونا. وفين برضه حرية الرأي في الكلام ده؟
ايه علاقة كلامه ده برضه بحرية الرأي؟
والدفاع عن الواد ده واخته مش مسموح بيه على منصتنا والموضوع ده لا يقبل النقاش ولا فيه حرية. واحد إرهابي زي ده مفيش مبرر لدفاع بريطانيا عنه وعن أخته غير أن هما عملاء ومفيش مبرر لدفاع حد مصري عنه غير أنه ارهابي زيه بيحمل نفس أفكاره اللي هنتصدى بكل قوة لأي حد يفكر أنه ينشرها في منصتنا.
Comments