ليه البنك المركزي المصري رفع سعر الفائدة والدولار علي .. ده السبب

لما نتكلم عن الاقتصاد عموما بيجي في بالنا هو الدولار سعره كام؟ هو سعر الطماطم عامل كام؟ طب هو الاندومي عامل كام وغيرها وده مش غلط لان الاقتصاد هو شامل حياتنا كلنا ولازم نعرف ايه اللي بيحصل.

قبل ما نعرف ايه سبب أن البنك المركزي يرفع الفائدة والدولار يغلي خليني اشرح لكم حاجات كده لازم تعرفها.

ايه هي السياسة الاقتصادية؟

هي عبارة عن قرارات بتتخدها البنك المركزي علشان تعرف تدير الاقتصاد المصري بحسب الطريق اللي شيفاها صح وطالما دي سياسية يبقي فيه أدوات امهم:

• القضاء علي التضخم

• القضاء علي البطالة

• زيادة الناتج المحلي

• زيادة الاحتياط النقد

• زيادة العملة الصعبة

وغيرها كتير بس تركيزنا علي العملة الصعبة في المقالة دي.

هو ايه اللي حصل؟

البي حصل هو أن البنك المركزي المصري أعلن عن أنه رفع سعر الفائدة لحد 200 نقطة أساس وده غير أن خلي الجنيه المصري يبقي يتعامل بالصرف المرن وبسبب كده ادي أن سعر الدولار يبقي بـ 25 جنيه مصري في وقت نزول المقالة.

والقرار ده كان متوقع خصوصا أن السعر السابق 19 دولار هو سعر غير حقيقي للعملة المصرية وبسبب كده المستثمرين مش قادرين يستثمروا بسبب عدم استقرار العامة في الوقت ده خصوصا أنه قيمته وقتها بتقل تدريجيا والسوق بيتعامل مع سعر السلع بقيمة 23 جنيه للدولار الواحد.

قرار التعويم مش اختيار

قرار التعويم ده له أسباب كتيرة أهمها:

المستثمرين

خبر أن سعر الدولار ارتفع لـ 25 جنيه يعتبر خبر كويس للمستثمر لأنه بيدور علي الدولة اللي قيمة الدولار اغلي، وبالتالي ده بيجذب المستثمر أنه يحط فلوس عن طريق مشروع في مصر أو يحطها في البنوك المصرية علشان هو عارف ان الفلوس اللي هيحطها هتعود عليه بأضعاف ده غير العوامل التانية اللي هنتكلم عليها.

السوق السوداء

علشان تعرف تجمع دولارات جوا البلد لازم تنافس السوق السوداء بانك تقلل فجوة قيمة العملة بين السعر الرسمي وسعر السوق السوداء، خليني اديك مثال:

واحد اسمه تحوت شغال برا كسب 1500$ حوش 500$ وبعت 1000$ لمراته ميريت وعلشان ميريت تحول للجنيه المصري عندها خيارين: هل هتروح عند البنك الاهلي اللي سعر الدولار بـ 19 جنيه ولا تروح عند واحد بيبيع الدولار بـ 23 جنيه؟

اكيد ميريت هيروح عند السوق السوداء، ودي مشكلة لان الدولار اللي موجود في السوق السوداء مش بتحتسب مع قومية الدولارات اللي موجودة في البلد وبالتالي فلوس بتضيع، وعلشان لازم تحد الفجوة اللي ما بينها وبين السوق السوداء.

ايه العرض والطلب للدولار؟

خلينا نخلص الموضوع علي الرسم البياني ده:

رسم العرض والطلب

الـ Price (P) هو السعر

الـ Quantity (Q) هو الكمية

الـ Demand (D) هو العرض

الـ Supply (S) هو الطلب

علشان تعرف ازاي نجيب دولارات لازم نعرف ايه العرض والطلب بالنسبة للدولار.

العرض بالنسبة للدولار هي كمية الدولارات اللي الدولة بتصرفها ومن أمثلتها:

الواردات

لازم يكون معاك دولارات علشان تعرف تاخد واردات السوق المصري محتاجه زي الأسلحة والموارد الغذائية وغيرها

الطلب بالنسبة للدولار هو كمية الدولارات اللي الدولة محتجاها ومن أمثلتها:

الصادرات

من المهم جدا أن لازم الصادرات تكون بنسبة كبيرة عن الواردات عن طريق أن لازم يبقي فيه مصانع علشان توفر صناعات علشان تورد فيه وعلشان كده رئيس الجمهورية المصرية عبد الفتاح السيسي أعلن عن مشروع "ابدا" في 29 اكتوبر / 19 بابه واللي فيه بيشجع علي قيام المشروعات الصناعية ويتم تصنيعه بجودة عالية وتسويق المنتجات بشكل كبير بحيث تزود من الدولارات اللي جاية من الصادرات.

السياحة الخارجية

من أهم مصادر العملة الصعبة اللي لازم تدخل في البلد خصوصا وأننا عندنا حضارة مصرية قديمة عظيمة كل السياح يتمني يزور معالمنا.

وعلشان كده لازم نوفر كل المقومات الأساسية علشان توفر السياحة وتزيد من الدولارات اللي عندك.

الاستثمار الأجنبي المباشر

هو عبارة عن أن مستثمر أجنبي بغض النظر عن جنسيته ليقوم يستثمر في مصر عن طريق أنه يبني مصنع أو يشتري ارض يعمل فيه مشروع ودي تقدر توفره كالاتي:

• لازم توفر الأمان في الدولة عندك لأن معروف أن المال جبان وبالتالي المستثمر ممكن يخاف أنه يستثمر في بلد ممكن المصنع بتاعه يتسرق او يحصل حرب في البلد فبالتالي صعب أنه يبقي في استثمار في البلد.

• لازم تقضي علي البيروقراطية عن طريق انك توفر كل التصاريح اللي نحتاجها المستثمر في اقل وقت ممكن وتمنع حوار أن الورق ياخد قرن عقبال ما يتم ويتمضي والكلام ده.

• زود بطالة اه زود بطالة لان كل ما نسبة البطالة عالية كل ما بقي مغري للمستثمرين أنه يستثمروا في بلد في اعلي معدل بطالة بأقل تكلفة لانه كل ما عدد البطالة كتار فبالتالي قيمة العمالة قليلة فبالتالي المستثمر ممكن يدفع اقل.

• زيادة في سعر العملة وتقلل في نسبة الفائدة لانها دي من أهم عوامل جذب الاستثمار.

الاستثمار الأجنبي الغير مباشر

يعني ايه غير مباشر؟ يعني أن المستثمر بدل ما يستثمر في بلد عن طريق أن يبني مشروع لا بيستثمر في البنوك عن طريق أنه بيحط فلوسه في البنوك المصرية بحيث أنه بديله عائد زيادة.

بس دي مش من النوع اللي دولة متجهة أو بتستهدفه لأن هدفها هو الاستثمار المباشر.

تحويلات المصريين من الخارج

واحدة من أهم مصادر العملة الصعبة عن طريق أن واحد مصري شاغل برا بيدي فلوس لعائلته مثلا في مصر بالدولار وبالتالي تحتسب من ضمن الدولارات اللي بتدخل الدولة وعلشان لازم توفرها لازم تواجه السوق السوداء زي ما شرحنا فوق.

ختاما

الاقتصاد مش حاجة ثابتة يوم طالع ويوم نازل دي حاجة طبيعية وكل الحلول دي قابلة أنها تكون صح او غلط وده بيرج أنه يبقي فيه ارقام صريحة وواضحة علشان تعرف تتخد القرار الصح ولازم تدور وتقرا عن الاقتصاد ومتسمعش من السوشيال اللي بيقولك مصر هتفلس أو اللي بيقولك ده كده هتتقدم كل حل وممكن يبقي صح وممكن يبقي غلط بس الاهم هو النتائج اللي ورا القرارات دي هي اللي هتقرر إذا كنا ماشيين صح ولا غلط