ليه مش لازم تبقي قومي؟

عارف ان عنوان المقالة غريب اوي لأننا في قومي يعني بيدج قومية فاللي هو ازاي مش لازم ابقي القومي يعني صباح الفل يا رجالة؟

بس اقرأ المقالة للآخر علشان تفهم الحكاية.

اكتر حاجة أساسية في القوميين لو لما تسأل اي حد عنه ببساطة هيقولك هما اللي بيتكلموا عن الحضارة المصرية وهما اللي بيفتخروا بيها، زمان من بعد دخول القومية العربية في مصر وللاسف الهوية المصرية ابتدئ يتهمش ومبقاش ذو قوة في المشهد السياسي أو الاجتماعي المصري فكل اللي بنسمعه هو الوحدة العربية والأشقاء العرب ودعوات متكررة عن الوطن العربي الواحد واللي غرس في المواطن المصري فكرة أنه خلاص بقي عربي وأنه المفروض يحب كل اخواته العرب في الدول العربية. والوضع ذات سوء في حكم مبارك بذات اخر 10 سنين من الفساد وتهدور حال البلد اللي مرت بيه والمواطن النصري مبقاش أنه يبقي من الأشقاء العرب والوحدة العربية من أولوياته واهم حاجة عنده أنه يأكل ويشرب وبس "حتي لو كلمت بعض الناس عن القومية المصرية هيقوك طب دي هتخلي البلد تتقدم؟ تخلي الدولار ينزل؟ هتهلي فيه حرية التعبير؟" والاسئلة الاستنكارية اللي طبيعي جدا اننا ممكن تسمعها بعد عصر الفساد اللي المصري مر بيه ودمرت شخصيته. كل ده كان موجود لحد الجزء الفاصل في تاريخ مصر وهي ثورة 25 يناير بعد الثورة دي اللي نادت بعيش حرية عدالة اجتماعية وسقطت واحدة من اسوأ الأنظمة في تاريخ مصر بعد ما الشعب المصري ما فاض بيه الكيل من الفساد اللي تراكمت علي البلد وبقيت كهن حسب وصف رئيس الجمهورية المصرية الحالي، ومن هنا وابتديت تحديات تواجه المواطن المصري بشكل أكبر مما يتصور من مواجهة الإخوان وبحثهم علي شخصيتهم المصرية اللي كانت بتصدها المنتفعين من شعارات الوحدة العربية. وبعد ثورة 30 يونيو اللي زاد التحديات بشكل كبير والشعب ابتدي يستحمل الغلاء والمشاكل الاقتصادية اللي هو عارف انها ممكن تكسره بس متفائل بحال البلد في المستقبل والضغوطات النفسية اللي اتعرض لها المصري من منصات الإخوان اللي بتجبره أنه يعمل ثورة غصب عنه وبيسئوا للمصريين بافظع أساليب الاحباط النفسي اللي مر بيها المصريين. كل ده كان بيمر بيها المواطن المصري لحد ما جات اللاحظة اللي تيقن فيها شخصيته وعرف يلاقي اللي بيدور عليه وسط الصراع النفسي اللي بتمر بيه مصر والمصريين وهي موكب المومياوات الملكية واللي مش بس مجرد شو "زي ما دونيين بيقولوا" وانما اديت شعور أنه اخيرا أنه لقي شخصيته وهي الهوية المصرية القديمة اللي لازال محير العالم بعلمه وفنه وقوته ومن هنا ابتديت حركة القومية المصرية. وهنا بيجي التحدي التاني ازاي ابدا انشر عن القومية المصرية والهوية المصرية وسط الانتفاع بشعارات العروبة والهجوم المتوقع من الاخوان والجماعات الإسلامية للحضارة دي بكونها أنها حضارة كفار حضارة فرعون الكافر و"احنا هناكل قومية وفراعنة" ومحاولات لتحويل الحضارة المصرية كقيمة مادية رخصية لازم تتباع علشان تبقي غني لا كتراث وأثار يعرفك عن مصريتك.

ونيجي عن نقطة المهمة وهي اساس المقالة

فيه ناس فاكرة أن دافع عن الحضارة المصرية مقتصرة علي القومي بس

للاسف بسبب أننا كنا تريند لما اتكلمنا عن مؤتمر اسوان الخاص بالافروسنتريك وارتبط مع الناس فكرة أن اللي بيدافعوا عن الحضارة المصرية هما القوميين أو بلغتهم "الكمايتة" اللي هو ناس بتتكلم عن حضارات انا مالي بالحوارات دي. دافعك عن حضارتك ده واجب لكل مصري بغض النظر عن اهتماماته أو أولوياته لما تشوف حد بيسئ لحضارتك أو لبلدك منفعش تسكت له أو الأسوأ انك تؤيده في الكلام لا واجه وحذره أنه ميجيبش سيرة الحضارة المصرية في حاجة وحشة يعني فكر فيها مهما كانت كرهك للقومية المصرية أو مهما كان كرهك للنظام الحالي مش عيب أو مش بتحس بالعار أن حد من دولة تانية معملتش حتي تمن اللي عمله أجدادنا المصرييين القدماء ويحي يتكلم عن الحضارة المصرية بطريقة سيئة؟ اكيد لازم تكون غيور علي حضارتك وتمنع وتسكت اي حد يتجرأ أنه يتكلم علي حضارتك بالطريقة دي وإلا هيبقي عار عليك وانك ازاي انت مصري وسائل حد يتكلم عن حضارتك بالطريقة دي. انت كمصري عندك حضارة عظيمة وعريقة ومعروفة جدا للعالم لدرجة أنك لو سألت اي حد اجنبي عن مصر أول حاجة تاجي في باله الحضارة المصرية، فلازم انك كمصري لو حد قال كلمة وحشة أو أساء للحضارة المصرية يبقي لازم تقف في وشه وتدافع عنها. دفاعك عن الحضارة المصرية مش مرتبطة بانك قومي ولا عروبي أو مؤيد للدولة أو معارض إنما الدفاع عن الحضارة واجب إلزامي لكل مصري اي كان مين هو، لأن لو محدش دافع عنها امال مين اللي هيدافع عنها، في حالة لو حد من اي دولة أجنبية أساء إليها أو بيقول زورا أنها حضارتهم مين اللي هيقف ضدهم اكيد المصري.

الدفاع عن الهوية المصرية مش بتشترط انك تكون عالم آثار مصرية

ممكن المصري يدافع عن حضارته بكل قوته ويكون عنده ردود كفاية أنها يبقي قوي في دفاعه وبرغم كده يمكن هو معندوش المعلومات الكفاية عن الحضارة المصرية أو بمعني اصح أنه مش عالم آثار علشان يرد بطريقة اقوي. ابسط مثال علي كده الملك سنوسرت الثالث اغلب القوميين عارفينه أنه كان بيعمل حملات ضد الجيوش اللي بتحاول تدخل البلد لكن لو سألت مثلا حد قومي كده عن هو اتولي الحكم أمتي وجاي من الأسرة الكام وايه انجازاته وكده معظم القوميين ممكن ميعرفوش الإجابة وانا بتكلم علي أرض الواقع مش في السوشيال حيث انه ممكن يغش المعلومة في جوجل بسهولة "ده إذا كان المصادر صحيحة". وده مش وحش اوي بالعكس انك تدافع عن حضارتك اللي هي هويتك واصلك بغض النظر عن اذا كنت عارف عنها ولا لا ده بحد ذاته حاجة تدعو الافتخرار لانك انت بتعرف عن حضارتك علشان تعرف هويتك مش للتلقين وللاسف تعليم مبارك القائم على أساس التلقين جرد من شعور الإنسان المصري من حبه لحضارته ولهويته وتحولت من حاجة تدعو للفخر لكام جملة كده حفظهم وارميهم في ورقة الامتحان علشان تجيب اعلي درجة وتبقي من أوائل علي مدرستك وتبقي شطور. فدافعك عن حضارتك مش بتشترط انك تكون علي دراية كاملة بالحضارة المصرية ولو اتعلمت أو قرأت ده هيفيدك اكتر.

مش معني انك صغير يبقي متدافعش عن حضارتك

للاسف بتقع اتهامات علي المصريين اللي بيدافعوا عن حضارتهم أنهم سنهم صغير او اللي بيقروه ده مزيف مش التاريخ الحقيقي وكده اي كان سنك اي سوا صغير او كبير فده حاجة عظيمة أن حد صغير يمكن مبلغش الـ 18 سنة وبيدافع عن حضارته برغم صغر سنه ويناقش مع ناس اكبر منه بكتير وبكل اللي تعرفه سوا من جوجل أو من كتاب الدراسات الاجتماعية فده يعتبر حاجة عظيمة جدا

دفاعك عن هويتك مش مرتبط بتعليمك يكون ايه

في معلومة ظريفة ولذيذة كده يمكن محدش يعرفها عن القوميين أو عارفينها بس عاملين نفسنا من بنها أن 90% من قوميين مش من كلية اثار ولا علماء آثار أو كمتولوجي لأن انت ممكن تلاقي قومي وهو في ثانوي عام علمي أو ممكن تلاقي قوميين في كليات زي كلية تجارة أو علوم وزي كده "انا ككاتب للمقالة في كلية تجارة سنة تالتة" فكلامك عن هويتك بغض النظر عن دراستك حاجة مفيدة لنفسك ولشخصيتك "طبعا لازم تذاكر وتدرس علشان تجيب تقدير كويس كده وترفع راسنا يا سون "Ⲥⲟⲛ" يا جامد. بل كمان في رجالة كبيرة في وظائف مختلفة وفيه ستات بيوت بتتكلم عن الحضارة المصرية خاصة عن الجانب الثقافي والمطبخ المصري برغم أنهم ممكن ميكونش عباقرة في الحضارة المصرية. ورغم كده بتبقي عارفين عن حضارتها وهويتنا ولو جيت تناقش مع واحد قومي هتلاقي أنه عارف كمية معلومات عن الحضارة المصرية برغم أنه اللي بيقول حاجة وتخصص وكليته مش بتدل علي معلوماته ده. وده بكل بساطة هو لأننا بنقرأ عن الحضارة المصرية ونتكلم عنها في بوستات علشان أحنا بنحبها وبنعرف هويتنا ونعرف ثقافتنا وفننا المصري بكل شغف بدل ما انخد المعلومات دي كتلقين نحفظ وخلاص من غير ما نبقي فاهمين ويبقي في الاخر مستفدناش بحاجة.

زتونة المقالة

مش شرط علشان تدافع عن حضارتك انك تبقي عامل اثار، مش شرط علشان تدافع عن حضارتك انك مرتبط بتخصص معين علشان تتكلم عن حضارتك، مش شرط انك علشان تدافع عن حضارتك انك بتدريس في مجال الآثار أو كنت شاغل أو لا.

مش لازم علشان تدافع عن حضارتك انك تبقي قومي