محمد علي باشا

سنة ١٨٠٥ تولي محمد علي حكم مصر

اول حاجه محمد علي عملها بدأ يتغلب علي دسائس الاتراك والانجليز وبالتأكيد المماليك وده كان شئ من العبقريه لأن دي العقبات السابقه واللي هتظهر بعده كمان رغم أن محمد علي كان أُمي مبيقرأش ولا يكتب اتعلم القراءه والكتابه وهو حاكم مصر ومع ذلك كان راجل عبقري وحكيم جدا في القياده

بدأ الراجل اول حاجه يعملها يأمن حصون البلد وبالذات اسكندريه وكان من أولوياته انشاء جيش قوي جدا وأسس جيش نظامي وأسس المدرسه الحربيه الأولي يعني كان اهتمامه بالناحيه العسكريه اولويه علي اي شيء تاني لأن كان وجهه نظره أن ان الجيش هو الدعامه الأولي  لكيان  مصر  المستقلة ولولاه لما تكونت الدولة المصرية ولا تحقق استقلالها

وكان سبب من إنشاؤه لمدرسه الطب هي خدمه الجيش وانشأ مصانع زي الغزل والنسيج وغيرها اللي كان غرضه الاول منها توفير حاجات الجيش والجنود من السلاح والذخيرة والكساء

وكمان شاف اماكن مناسبه لاقامة الجنود ، بناء الثكنات والمعسكرات والمستشفيات، واستلزم تخريج الضباط انشاء المدارس الحربية على اختلاف انواعها، وكذلك المدارس الملكية كان الغرض الاول منها تثقيف التلاميذ لاعدادهم على الاخص لان يكونوا ضباطا ومهندسين وكل ده في خدمه الجيش يعني محمد علي كان بيأكل الشعب جيش شفت بقي اه زيه زي الكباري والطرق كده اربط بقي .

محمد علي كان شايف دائما ان انشاء جيش يحمي الدار امر لا قوام له الا بانه يجد كفايته من السلاح والذخيرة والمدافع في داخل البلاد، اذ الاعتماد على جلب السلاح من الخارج هيعرض قوة الدفاع الوطني للخطر وهيجعل الجيش والبلاد تحت رحمة الدول الاجنبية، عشان كده بذل جهده في انشاء مصانع الاسلحة في مصر، فاسس قائد المدفعية ادهم بك ترسانة القلعة لصنع الاسلحة وصب المدافع، وتولى ادارتها

وكان في في عهده مصانع تسليح وطنيه عظيمه زي معمل صب المدافع ، مصنع البنادق ، معامل البارود

ولكن مكانش ده كل هدف محمد علي كمان تمكن أنه يبني في مصر دولة عصرية على النسق الأوروبي، واستعان في مشروعاته الإقتصادية والعلمية بخبراء أوروبيين اربط برضو هنا بينها وبين الوضع الحالي اللي مش عاجبنا فاكر المنصوره الجديده ، العاصمة الإدارية وباقي المدن الجديدة ؟

يعني أظهر صفات محمد علي على بعد النظر والحزم والمرونة السياسية. أدرك برأيه الصائب أن اقتباس الأنظمة الأوروبية ومجاراة الأوروبيين في الأساليب العمرانية أمور لابد منها لرقي بلاده عارف زي مين ؟

ومن اصلاحات محمد علي المشهورة وانشاء قوة منظمة من البوليس، واقرار الأمن في جميع انحاء البلاد حتى ضاهت مصر في ذلك البلدان الأوروبية الراقية وهنا يستحضرني مقوله لراجل طيب " والله امنك واستقرارك يا مصر تمنه حياتي انا وحياه الجيش "

كمان اهتم بتنفيذ مشروع محمد على للنهضة الزراعية والشاملة سمعت الجمله دي كتير السنين اللي فاتت صح ؟

طيب كويس ربطت كده يا صديقي ؟ زي الفل أيوة توشكى الخير والدلتا الجديدة

شمل مشروعه لتنمية الثروة الزراعية تنفيذ أعمال صيانة وتجديد منشآت الرى والصرف، وحفر الترع الطويلة العريضة العميقة والتخطيط لبناء القناطر الخيرية وكمان في عهده طلع نظام الري الدائم و أدى إلى زيادة المساحة المحصولية وعدد المحاصيل المنتجة. ومتنساش أن محمد علي سيدي المواطن كان بيفرض ضرائب كتير ولكنه كان بيطور بيها البلد مش بيحطها في جيبه فهمتني يا سيدي المواطن ؟ زي الفل

محمد علي كمان وجه اهتمام عظيم للاصلاح الاقتصادي ، لأن جميع مشاريعه لاقوام بها الا بالمال، فنشط الزراعة والتجارة فدرت عليه الخيرات، وبذل الجهد المستطاع في سبيل ترقية الصناعة، لكنها لم تكن رابحة عارف مين اللي عمل كده كمان ؟ طيب زي الفل

اه صحيح معلش طولت بس حبيت اعرفك أن محمد علي كان بيبني قصور رئاسيه

ولسه لغايه انهارده قصوره اثريه وتحف يعني عرفت مين برضو اللي أقصده صح ؟ جميل يا سيدي المواطن والله

المصادر ⬇️

https://m.marefa.org/%D9%85%D8%AD%D9%85%D8%AF_%D8%B9%D9%84%D9%8A_%D8%A8%D8%A7%D8%B4%D8%A7

https://www.presidency.eg/en/%D9%85%D8%B5%D8%B1/%D8%A7%D9%84%D8%AD%D9%83%D8%A7%D9%85/%D9%85%D8%AD%D9%85%D8%AF-%D8%B9%D9%84%D9%89/

https://www.britannica.com/topic/war

https://www.cambridge.org/core/books/abs/cambridge-history-of-egypt/era-of-muhammad-ali-pasha-18051848/68D161C75F9EB1BC63E28C3148AD5DBD

https://gate.ahram.org.eg/daily/News/203873/4/822518/%D9%82%D8%B6%D8%A7%D9%8A%D8%A7-%D9%88%D8%A7%D8%B1%D8%A7%D8%A1/%D9%85%D8%B4%D8%B1%D9%88%D8%B9-%D9%85%D8%AD%D9%85%D8%AF-%D8%B9%D9%84%D9%89-%D9%84%D9%84%D9%86%D9%87%D8%B6%D8%A9-%D8%A7%D9%84%D8%B2%D8%B1%D8%A7%D8%B9%D9%8A%D8%A9.aspx