مسطحي التفكير

يعتقد بعض مسطحي التفكير وعديمي المنطق او من يرمون الناس بالباطل ان القومية المصرية ستعزل مصر عن محيطها وعن جيراننا في الدول المجاورة ، ونقول لهم أبدا كفاكم تضليلا ، بل سنمد يد العون لهم بما يضمن مصلحة مصر من الناحية الإقتصادية والسياسية والخ خالقين تكتلات عظمي في المنطقة يقول مسطحي التفكير هؤلاء وأين دين هذه القومية المصرية؟ اليس لكل قومية دين؟ نقول لهم اليس للقومية التركية دين إسلامي؟ اليس للقومية الفارسية دين إسلامي؟ اليست لإيران دين إسلامي ولليونان دين مسيحي؟ هل من المفترض في هذا الزمان ان يعبد اليونانيون زيوس؟ إن دين مصر هو الإسلام والمسيحية. يقول مسطحي التفكير هؤلاء وأين اللغة المصرية؟ نقول لهم نحن بالفعل نعمل علي إحياؤها لأنها إحدي أقدم اللغات في العالم لإحدي أقدم الدول وأقدم الشعوب وهي الدولة المصرية والشعب المصري ، وهناك أمثلة لشعوب قامت بإحياء لغة ميتة كإحياء اليهود للعبرية ، وقريبا سنضع دروسا كاملة للغة المصرية الشيء المميز في مصر انها ليها عمق زمني وتاريخي ، عقيدة وعادات ورموز وابطال من الاف السنين من احمس لرمسيس لصمود اهل المنصورة قصاد فرنسا واسر ملكهم لحرب اكتوبر ، قصص وشخصيات ومباني وملاحم ولغة كانت موجودة بيتم إحيائها وطريقة كلام حاليا بنتميز بيها ، مكان وموقع مصر الجغرافي ليه قيمته بينا ولينا قيميتنا بيه فلا مصر بدون المصريين ولا مصريين بدون مصر ، شعب ليه ارضه وارض ليها شعبها ، لما المصري يقول انا مصري فهو بيقولها لانه مولود في ارض مصر وبيحمل الصفات والسمات والعادات والتاريخ المشترك والافكار المصرية. والموضوع دا جوا كل مصري ويسمي بالوعي المصري الجماعي لمصريتهم ولوطنهم ولتاريخهم ولعاداتهم ولأديانهم ولأبطالهم وملامحهم وموسيقيتهم والملاحم بتاعتنا وانهم مجتمع واحد علي ارض واحده ومميزين عن غيرهم بكذا وبكذا وبكذا ودا سر من اسرار قوة مصر واللي المفروض يتم حمايته لان دا وعي بهويتنا. الجنود المصريين وهما بيعبروا القناة كلهم كان عندهم وعي جماعي انهم مصريين وان سينا ارض مصرية من الاف السنين وان في عدو فاشي وغاشم وصهيوني إحتلها اغلبهم ميعرفوش بعض شخصيا ولكن هما عندهم وعي وادراك انهم مصريين وكانوا علي قلب رجل واحد لإستعادة سينا وحفظ الكرامه المصرية ، دا احنا خوف المصريين كلهم من بناء سد النهضه علي سبيل المثال وتكاتفهم وتفكيرهم في الموضوع ورغبتهم في حماية نهر النيل باي شكل حتي لو هتوصل اننا ندمر السد ، اسمه وعي جماعي لحاجة كلنا بنتشارك فيها وبيمر علي ارض احنا بنعيش فيها من الاف السنين كنهر النيل مثلا القومية المصرية بتوحدنا. علي مدار العصور التاريخية كلها ميز المصريين نفسهم عن غيرهم ، رسمت الاسيوي والنوبي والكوشي بشل مختلف عنك ، ومش انت بس اللي عملت كده اي امه طبيعيه كده الانجليزي بيميز نفسه عن الفرنسي والعكس ودا حق طبيعي أوعي تخلي حد يمحوك ويمحوا وجودك بأي حجة وتحت أي ظرف ويسلبك حق من حقوقك. كل شعب بيفتخر بلغته سواء كانت حية او ميتة الانجليز بيفتخروا باللغة الانجليزية والعرب بيفتخروا باللغة العربية والصينيين بيفتخروا بالصينية واليهود بيفتخروا بالعبرية واحيوها مع هجرتهم لفلسطين ، وانا بفتخر باللغة المصرية مثلا وبيتم إحيائها ، فاوعي تخلي حد يقلل من فخرك بلغتك إطلاقا.

إحنا المصريين