و أخيرًا..مصيدة الفيران إشتغلت، النهارده إتفاجئنا ملنا بفيديو غريب جدًا يمكن من غرابته كان مضحك، راجل و معاه فاس حديد في ميدان التحرير قرب من الكباش الموضوعة في التحرير و هوب.. بيحاول يكسرها و هو بيصرّخ *الله أكبر!!* بأعلى ما يمكن، الراجل إتقبض عليه و بيتحقق معاه و هيتخذوا اللازم.
ولكن
مشهد زي يمكن يفكرنا بمشاهد أعنف شوية في العراق و سوريا لما إتدمرت آثارهم و متاحفهم الوطنية بكل ما فيها..وتاريخ الملاحيس و المتأسلمين دول مع الحضارات عمومًا و التاريخ المصري خصوصًا مش جديد ولا حاجه.
الناس دي لو اتسابت هيتم هدم الأهرامات حجر حجر بإعتباره من مخلفات الأمم "الكافرة" اللي وجب علينا إزالتها تمامًا و تلاقي الأقل خرفًا منهم يقولك حتى لا يفتتن بيها الناس! أصلها ملهاش أي قيمة مادية تذكر.
مجرد مباني بالية من الحجارة انتهت و لم تعد و يا سلام لو تماثيل أو كباش زي ما حصل النهارده. أي شيء له علاقة بتاريخ الأمم السابقة لازم يتمحي، مش بس آثار.
ثقافات، عادات أي مظهر حضاري لازم يزول فورًا، الفتاوي و الهبد في هذا الشأن لا حصر لهم من أول محاولات تشويه التاريخ المصري وصولًا لتزويره أو علي الأقل خلق قصص موازية فيه.. الناس ديه عمرها ما هتعرف القيمة ورا الأثر، مش هتعرف التاريخ ولا الفن ولا المجهود ولا الهندسة ولا الدقة ولا حتى القيمة الجمالية في الشيء لأن مفيش في دماغهك إلا صوت الهسهس اللي بيقولهم "كف.ر"، فإعرف عدوك و إوعى بيه كويس.
في التعليقات تجميعة فيديوهات و فتاوي و تاريخ موازي مضحك جدًا ليهم.
تقدروا تشوفوها في اول تعليق في البوست ده
"إتفاجئنا ملنا بفيديو"
كلنا* صح..؟