بنت قومية نفتخر بيها كلنا اسمها ناريمان رغم صغر سنها إلا انها كبيرة العقل و المنطق و المعرفة. ناريمان اتناقشت مع مدرس التاريخ في مدرستها و اقنعته بإن المصريين مش عرب و هويتنا مصرية وسط اشادة كبيرة من القوميين الفخورين بيها و بمساهمتها في تغيير وعي الناس للأفضل.
الحملة الموجهة ضد ناريمان.. مش المرة الأولى
لكن الحلو ميكملش و البوست ياخد انتشار اكبر و أوسع خارج الدائرة القومية و وقع في ايد شباب منحطين أخلاقياً و تعرضت أختنا لحملة من أشخاص بيدعوا حماية الأخلاق من "القوميين أعداء الأخلاق".
بوست ناريمان نزل في جروبات و على صفحات و انهال عليها الشباب دول بالابتزاز و السباب و الخوض في عرضها و تعليقات سافلة تجاوزت كل حدود الأدب.
المسألة موقفتش هنا و بس، البعض كفرها و اتهمها بالإلحاد لرفضها الهوية العربية اللي للأسف ترسخت في ذهن الغالبية انها هوية مصر الطبيعية و ان الهوية المصرية تُعتبر زندقة و خروج على الدين و دي لعبة قذرة بيلعبوها عشان يشحنوا الناس و يستغلوا مشاعرهم الدينية لتشويه القومية و الشخصيات القومية البارزة زي ناريمان.
دي مش أول مرة يتعمل حملة عليها، من فترة ناريمان عملت هاشتاج #مصري_مش_عربي و صفحات جمع اللايكات و نفس الجروبات القذ.رة سخروا منها و كالعادة خاضوا في عرضها لأن دي أخلاقهم و بالنسبة لهم "الغاية تبرر الوسيلة".
مين ورا الحملة؟
الحملة وراها صفحات و افراد و جروبات أفكارهم معروفة للكل و هم نفس نوعية جروبات التليجرام اللي اتعمل عليهم هاشتاج مجرمين التيليجرام و هوايتهم هي الابتزاز و خصوصاً البنات من الافكار المخالفة ليهم على رأسها القومية المصرية. مفيش حد بيسلم من لسانهم سواء بنات او ولاد.
المسألة أكبر من مجرد حملة على ناريمان
دي مش المرة الأولى ولا الأخيرة اللي حد يتعرض لمضايقات عشان تمسكه بقوميته، و الموضوع أكبر من مجرد حملة على شخص، و انما فيه فِكر سرطاني توغل و تجذر في مجتمعنا عبارة عن مزيج من الدونية مع كره الذات مع تكف.ير فكرة الوطن و القومية و عندهم قبول للخوض في اعراض الناس او حتى أذيتهم.
واجبنا تجاه بعض هو ندعم بعض لو حد تعرض لموقف زي دة تاني و منسكتش و لو وصل ان احنا نبلغ عنهم كمان.
ختاما: كلنا فخورين بيكي
ناريمان رغم صغر سنها عندها جرأة و شجاعة و عقلها كبير جدًا و عندها إقبال على الحياة و شغف تجاه هويتها المصري. اللي ناريمان عملته مع مدرس التاريخ لازم كبنا نعمله و نجتهد في اقناع الناس بهويتهم و احنا اصحاب حق و قضية عادلة، كلنا فخورين بيكي يا ناريمان.
#Ed3am_Nareeman_Osama
Comments