سبق و إتكلمنا عن أهميّة التوقيع اللي تم بيتم مصر و اليونان بخصوص الربط الكهربائي و إزاي ده هيكون بوابة مصر للتصدير لأوروبا خصوصًا بعد قبرص و بعد إتفاقيات تصدير الغاز.
مصر حاليًا بيتنظر ليها علي إنها اللاعب الأهم بالنسبة لأوروبا في مسألة تأمين إحتياحاتها من الطاقة خصوصًا بعد الضغط اللي بتمارسه روسيا علي أوروبا.
و ده طبعًا مش هيعجب كتير من اللي حوالينا في المنطقة، تركيا النهارده طلعت تصريح علي لسان وزير خارجيتها و قالت ووصفت القمة ديه بالعمل العدائي، و ده في الغالب راجع لإنكماش دور تركيا بشكل كبير في منطقة شرق المتوسط لصالح مصر، ده غير الضغوطات الإقتصادية اللي بتمر بيها تركيا حاليًا.
تصريح رئيس وزراء اليونان مش محتاج تعليق، هو لوحده واضح و صريح..مصر من شبه دولة فيها كل أنواع الإضطرابات والمشاكل والأزمات اللي ممكن تتخيلها الى دولة بتشتغل علي إنها تكون ضامن لأمن الطاقة في أوروبا، ومش بنتكلم هنا في ٢٠ ولا ٣٠ سنة لأ دول هما ٧ سنين كل اللي إنت عملته فيهم إنك عملت أساسات بناء دولة طبيعية مش اكتر، ما بالك لو إستمريت علي نفس النهج فترة زيهم.
Bình luận