وزير السياحة مع النصاب

آخر مستجدات حملة وقف مؤتمر اسوان وخطوتنا الجاية:

-تم نشر رسميًا بإلغاء المؤتمر على الموقع الرسمي للمؤتمر.

- أنتوني براودر أبرز منظمين المؤتمر في مصر بتردد على مصر بشكل دائم ومستمر من سنين وله صور مع وزير الآثار والسياحة المصري دكتور مصطفى عناني ورئيس اللجنة العليا للآثار دكتور مصطفى وزيري.

- سواء الوزارة علي علم بأفكار أنتوني براودر أو لا فاحنا رسميًا بنحتج على استقبالهم عندهم في مصر والسماح ليهم بالتنقيب في آثارنا لتزوير تاريخنا المصري بادعاء أن الحضارة المصرية سوداء.

- لذا ندعو كل متابعينا إنهم يشاركونا قي حملتنا الاحتجاجية علي #اعتز_بمصريتك و اللي فيها نعمل الآتي:

المطلوب إنهم لو هيجوا في رحلتهم السنوية لكن من غير مؤتمر آخر شهر فبراير فاحنا هنحتج على ده من خلال فيديوهات قصيرة جدًا متتعداش الـ ١٠ ثواني ل ١٥ ثانية هدفها الأساسي هو:

• التأكيد علي الاعتزاز بمصرتينا والاعتزاز بهويتنا المصرية و تاريخنا و حضارتنا و تراثنا المصري

• التأكيد علي رفضنا لاستقبال منظمات المركزية الأفريقية في مصر

• رفض تزوير تاريخنا ورفض العنصرية و خطاب الكراهية تجاه الأفارقة ككل

الفيديوهات ممكن تشاركوها بالإنجليزي والعربي ونص الفيديو المقترح للي هيشارك معانا:

العربي:

انا مصري اعتز وافتخر بمصريتي وبتاريخي وحضارتي وتراثي وهويتي وارفض استقبال منظمة المركزية الافريقية في مصر و بنأكد اننا كلنا نرفض للعنصرية تجاه الأفارقة كل وإننا مش هنسمح بتزوير تاريخنا

English:

We protest against welcoming Afro-centric groups to Egypt, we are Egyptians and We are proud of our history, our civilization, our heritage and our identity, and we refuse racism against Africans but we will not allow the theft and forget of our history.

شارك معانا وخليك ايجابي احنا قطعنا شوط ضخم سوا قولهم أنك مصري بتعتز بنفسك على #اعتز_بمصريتك