هوية مصر. موضوع يحتوى على هري كتير مابين مصر عربية ومصر اسلامية ومصر كذا وكذا إلى انتوا عايزينا نرجع نعبد امون تاني ولا ايه.
هنتكلم بتوسع النهاردة ف لو انت مش فاضي دلوقتي اعمل اعجاب وتعالى لما تفضى.
اول حاجة مصر مصرية.
ازاي يعني؟ يعني مصر القديمة المعروفة باسم "الفرعونية" هي اساس الدولة القائمة حاليا واللي لما وصل الاحتلال الروماني او اليوناني او الاسلامي كان كل ده موجود قبله مصر القديمة.
طب هل احنا عرب؟
بكل بساطة لا طب لا ليه هقولك لا علشان اسباب كتير فلو انت شايف اننا عرب علشان مسلمين فبالتالي المسيحيين مش عرب فبالتالي هما لا ينتموا للشعب المصري وده غلط تماما. تاني حاجة احنا قبل م نكون مسلمين كنا اقباط وقبلها كنا مصريين ف بالتالي برضه احنا مصريين. تالت حاجة العرب هما اهل شبه الجزيرة يعني احنا مش عرب وشماجطل افريقيا كلهم مش عرب. كدا خلصنا النقطة دي اللي ملخصها مصر × عربية يعني هو احنا مينفعش نفتخر بالتراث الإسلامي ولازم نعبد امون! لا يصاحبي بساحنا نفتخر بالتراث الإسلامي الموجود في مصر اللي اشتغل فيه اجدادنا المصريين المسلمين مش نفتخر بالتراث الموجود في العراق او تركيا او او او نفتخر بالموجود عندنا لأن ده التراث المصري.
عايز اقول كمان حاجة واللي هي مصر مش اسلامية مصر دولة مدنية ذات اغلبية اسلامية يتعايش فيها المسلمين مع غير المسلمين عادي
ياريت تكون المعلومة وصلت بشكل واضح ومبسط.
Comments