لما نيجي نجيب سيره الموضوع ده اكيد هنلاقي قطاع كبير مصري متضايق من التقارب التركي لمصر الي حصل في الفتره الي فاتت خصوصاً بعد سنين من العداء السياسي الي استمر بين مصر وتركيا والي بدأ من اول دعم تركيا للأخوان ولجانهم من اول وصول مرسي للحكم ومن بعدها وجد النظام التركي فرصة ان الاخوان الي شبهم فل افكار يقدروا من خلالهم يسيطروا علي مصر بشكل غير مباشر عن طريق الجماعة ووصولها للحكم.
وبرضو وجدوا فده فرصة انهم يدعموا حكمهم فدول تانية بجانب مصر لان طلاما وصلوا ونجحوا فمصر هينجحوا في اي دوله وبالفعل عمل اردوغان علاقات مع مرسي واتفاقيات المفروض انها كانت اقتصادية لحد ما السيسي جه وحكم الاخوان انتهي من مصر وانتهي معاه الحلم التركي ساعتها تركيا حست ان كل الي قعدت تخطط وتبني له سنين راح.
وعشان كان صعب تتدخل فمصر بشكل مباشر عن كريق جيشها لبعد حدود البلدين عن بعض موجدتش اي فرصة غير فدعم الاخوان وخلقت إعلام موجه ضد مصر وظيفتة يهاجم النظام ليل نهار ويشتم فيه لدرجة ان اردوغان وصف السيسي بالديكتاتور وابتدت تركيا تستضيف اي حد هربان من مصر عشان يتشم فل نظام ويا سلام لو اخوان هتفتحله بابها اكتر واستمر العداء.
لحد ما السيسي رسم الحدود مع قبرص واليونان وانتوا عارفين ان تركيا بلد فقيرة في طاقة وحست تركيا ساعتها انها طلعت برا المعادلة ومش هينوبها من الحب جانب يعني معقوله مصر اكتشفت حقل ظُهر ورسمت الحدود وانا طلعت برا المعادله وخصوصا ان تركيا وقبرص واليونان بينهم عداء.
فملقتش تركيا اي شيئ غير انها تستعين بالحكومة الاخوانية في ليبيا عشان ترسم الحدود معاها وبكده هتعادي مصر بشكل غير مباشر وفنفس الوقت كانت مصر بتدعم حفتر وكان خلاص علي وشك الانتصار فتركيا حست بالخطر وبعتت مرتزقة عشان يوقفوا زحف حفتر ودخلت بعض من الجيش التركي لليبيا.
فساعتها السيسي حس ان فيه تهديد حدودي وامن قومي فإجتمع بشيوخ القبائل واخد اذن بدخول الجيش المصري لليبيا وحدد خط سرت الجفره وعمل للجيش التركي والمرتزقه خط احمر والجيشين بالفعل كانو علي وشك انهم يخشوا حرب لدرجه ان روسيا وامريكا تدخلت لوقف الحرب ومن الصعب ان البلدين دول هم الاتنين يتدخلوا لوقف حرب واحده مع بعض.
لانهم حسوا بالخطر لان الحرب هتضر بمصلحه الطرفين وساعتها السيسي هدد بلهجه شديده والاتراك قالو هنتجاوز الخط الاحمر لكن بعد تدخل روسيا وامركيا اللعب هدي ومن ساعتها والجانبين ساكتين وفيه حاله هدوء مش مفهوم لحد ما مصر تصالحت مع قطر.
وكان اول لقاء بين أردوغان و السيسي الي هو ازاي؟
بعد كل العداء ده يتقابلوا ويسلموا علي بعض ودلوقتي جه وزير الخارجية مولود جاويش اوغلو وزار مصر في زياره رسمية تعد الاولي بعد فتره كبيره من قطع العلاقات الدبلوماسية بين البلدين.
طب ليه كل ده حصل فجأه بعد العداء ده؟
واحنا هنا عشان نقولك ان الهدف من المصلحه هو ليبيا بالنسبه لمصر وبالنسبه بتركيا البحر المتوسط هتقلي ازاي؟
هنقلكم تركيا ابتدت تخرج كل الاخوان وقدمت تضحيات سياسية مش سهله تخيل قعدت تبني كل المعارضة دي في السنين الي فاتت كلها وفي ثانية تخرجهم برا تركيا وكلنا شفنا الاخوان كلهم اتشردوا فيه الي اتقبض عليه وفيه الي راح بريطانيا وفيه الي راح امريكا يعني بالعربي عملت كل ده عشان تثبت حسن النية.
طب ليه كل ده برضو؟
كلنا عارفين زي ما قلنا سابقاً ان الامل الوحيد لتركيا حتي لو ضعيف هو ليبيا عشان تاخد حاجه من المتوسط وده طبعا هيبقي وحش بالنسبه لمصر لانهم هيكونوا علي حدودك.
طب الحل ايه؟
ببساطه تركيا ضحت بالأخوان واثبتت حسن النيه ده كله عشان عايزه ترسم الحدود معاك مقابل انها تنسحب من ليبيا وتريحك من الارهاب الي بيجي من حدودك الغربية بس طبعا ده مش هيحصل وتركيا مش هتنسحب الا لما تضن انك رسمت الحدود معاها فدي هتبقي فمصلحه مصر انك ترسم معاها مقابل انسحابها من ليبيا وبالتالي ليبيا تستقر فحدود مصر تستقر بالاضافه ان اما ليبيا تستقر هتجيب عماله مصرية كمان يعني رزق للشعب لانها بلد بتروليه وفيها خير زائد مكسبك انك امنت حدودك الغربية.
طب ايه الي مانع لحد دلوقتي ان ده يحصل؟
في الحقيقة هي عقبة واحده ان مصر مرسمه اصلا الحدود مع قبرص واليونان وهم اعداء لتركيا اصلا بس لها حل وحلها ان مصر تتوسط بين قبرص واليونان وتركيا عشان كلنا نرسم مع بعض لان مينفعش مصر تبيع حلفائها التانيين لان لو باعتهم وتركيا رجعت تبيعك مش هتلاقي لك حليف في المتوسط.
فأنت كمصر محتاج قبرص واليونان برضو فتركيا عايزاك تتوسط بينهم و بين قبرص و اليونان و ترسم معاهم كلهم و بالمناسبة الصين هي صاحبة الصلح بين مصر وتركيا زي معملت بين السعودية وايران و هي الي بتزق في ملف الصلح وده طبعا مش عاجب امريكا.
لان الصين بدأت تاخد دور قيادي في الشرق الاوسط ففي النهاية وبغض النظر ان تركيا دوله معادية كحكومة وكلنا مش هننسا الي عملته فمصر السنين الي فاتت ولكن لو بصينا للمصلحه هنلاقي ان ده حل كويس ان كل دول البحر المتوسط يصلوا لأتفاق ترسيم وفنفس الوقت تأمن حدودك انت كمصر وده هيساعد علي الأستقرار في المنطقة.
خصوصا انهم ساعوا ليك وقدموا تنازلات لأثبات حسن نيتهم زائد ان اردوغان داخل علي انتخابات ومش عايز وجع دماغ وغير كده عنده ملفات تانيه في اوروبا وعدائات فمش عايز يفتح علي نفسه كذا جبهه وانت كذلك كمصر عندك جبهات تانيه زي سد النهضه وحدودك الشرقية سيناء.
فمش ناقصة كمان الملف ده طب دلوقتي بقا هل بقا الصلح ده هيتم وهتنجح الصين في الصلح بين مصر و تركيا زي ما نجحت بين السعودية وايران وهتنجح مصر في اقناع قبرص واليونان يرسموا حدودهم كلهم مع تركيا وتنسحب تركيا من ليبيا؟
الايام الجاية هنشوف بقا ايه الي هيحصل.
Comments