كتابة: بسمة عادل
في أمور بتحصل فمنطقة الشرق الأوسط غريبة لازم نتأمل فيها زي:
هجوم شديد من 3 دول علي مصر خصوصا السعودية، مع تحركات غريبة بتحصل بين ايران و اسرائيل، بالاضافة بالإضافة لزيادة هجوم الاعلام المعادي علي مصر بما فيها الكيان الصهيوني بسبب الأزمة الاقتصادية وتطاوله بالشائعات.
واهم حاجة زيارة سريعة من وزير الخارجيه الأمريكي انتوني بلينكن لمصر من كام يوم .. فا ايه سبب الزيارة؟
وهل ده ليه علاقة بالابتزاز اللي بيحصل لمصر من دول الخليج؟
واهمهم تصريح مهم وقوي من الرئيس الجمهورية المصرية عبد الفتاح السيسى فعيد الشرطة المصرية عندما قال:
محدش يقدر أو يتخيل أنه ياخد أو يسيطر علي اي قطعه من مصر
بعدها علي طول أصدر قرار مهم أنه حيتم فالقريب العاجل عمل احتفالية ضخمة فشمال سيناء برفح والعريش والشيخ زويد بمناسبة القضاء علي الارهاب.
ده بيخلينا نسأل سؤال:
هل منطقة الشرق الاوسط معرضة للدخول فحرب؟
علشان نجاوب عالسؤال ده لازم ناخد الأمور من الاول خالص:
اولا ايه اللي بيحصل فاسرائيل؟
اسرائيل عندها مشكلة داخلية والإعلام الغربي بما فيها الإعلام الاسرائيلي بيتكلم أنه احتمال حيحصل حرب اهليه فاسرائيل بسبب أن نتنياهو لما مسك رئاسة الوزراء اصطدم بالقضاء لانه جاب حكومة متطرفة جدا وعليها حكم قضائي واراد أن يجعل سلطة الكنيست اعلي من السلطة القضائية وبالتالي حتسقط من عليهم الأحكام فحصلت بسببها مشاكل كبيرة فاسرائيل مابين اليسار و اليمين المتطرف، نتج عنه تظاهرات فشوارع إسرائيل تقدر فوق 100,000 متظاهر.
والتقارير الغربية قدرت أنه احتمال حدوث حرب اهليه لانه أعداد كبيرة من المتظاهرين مسلحين والمعروف أن المجتمع الإسرائيلي مجتمع مسلح.
طب خلينا نسأل سؤال:
ايه علاقة اللي بيحصل فاسرائيل بمصر؟
قبل منجاوب عالسؤال ده لازم نعرف حاجة مهمة جدا:
هناك تحركات خليجية إسرائيلة أمريكية فالمنطقة بتنذر بوقوع حرب أو علي الاقل هجمات علي ايران ، وفي مناورات عسكرية جوية بين أمريكا وإسرائيل هي الأكبر في تاريخ البلدين.
والسبب في ده أنه بيجري تحضير ضربة عسكرية أمريكية والسبب في ده أنه بيجري تحضير ضربة عسكرية أمريكية إسرائيلية ل ايران وده لسببين:
ايران رافضة أن توقع علي الملف النووي ومستمرة في تخصيب اليورانيوم وقريبا حيكون لديها قنبلة نووية.
ايران هي الداعم الأول لروسيا فحربها مع اوكرانيا، وإيران كمان هي اللي بتمدها بالسلاح.
وفي حاجة لازم تعرفوها مهمة أن ده بدأ بقي يبقي واقع خلاص.
فهناك سرب طائرات بدون طيار انتحارية متخصصة بتدرب أهداف معينة ومقصودة وطلعت من مصدر مجهول استهدفت إيران بالتحديد طهران وأصفهان واستهدفت منشآت عسكرية موجودة داخل إيران.
والمفروض أنها مجهولة الهوية لكن العالم كله يعلم أنها تخص الكيان الصهيوني، وتحدث سفير إيران لدي الامم المتحدة:
أن إيران تحمل اسرائيل المسؤلية الكاملة لهذا الحادث وإيران تحتفظ بحق الرد
وعلشان الموضوع يكمل لو تخيلنا أنه حيحصل حرب وهجوم اسرائيلي علي ايران فلازم يحصل 3 حاجات:
دعم امريكي كامل وده موجود
تنسيق كامل مع الخليج والخليج اعضت الضؤ الاخضر بالموافقة خلاص علشان الطبيعي لو حصلت ضربة لإيران فلازم إيران حترد واكيد مش حتلاقي قدامها الا الخليج، وده طبعا دون الاعتبار بالأمن القومي المصري:
الرضا المصري بمعني:
أما مصر متعترضش وتوافق عالضربة لإيران.
(ب) أو إن مصر لازم تقع فحالة لو موافقتش ويحصلها زي اللي حصلها في ٢٠١١ و ٢٠١٣ وهي دخولها ففوضي عارمة علما اسرائيل تخلص من حربها.
والحكمة من كده؟
أن في العقيدة الإسرائيلية العسكرية يستحيل توجيه ضربة عسكرية لحد وضهرها مش متأمن بمعني يستحيل توجيه ضربة عسكرية لمصر و إيران من غير ما تتأكد أن الطرف التاني ضمنينه تمام.
وده يخلينا نرجع للسؤال الاول:
ايه علاقة اللي بيحصل فاسرائيل بمصر؟
لأن من الواضح الرضا المصري مش موجود ورفضة وجود حرب من الأساس وكلنا عارفين أنه يستحيل أن تبدأ الحرب دون مباركة مصر عشان قوة مصر فالمنطقة زي ماعرفين فمصر يعني:
قناة السويس ومستحيل أن تبدأ حرب دون تسخير واستخدام قناة السويس فالحرب.
البحر الاحمر والقوة الأكبر هو الأسطول البحري المصري.
باب المندب وخليج عدن وهناك قوة عسكرية متمركزة عند باب المندب لضمان حرية الملاحة فيه وضمان أمن قناة السويس.
الكيان المحتل وحدوده معانا.
وده يخلينا نقول ليه مصر رفضة حدوث حرب فالمنطقة؟
لان الحرب هو تهديد للأمن القومي المصري بشكل مباشر عشان إيران مش بس هي دولة قوية لا كمان هي ليها ازرع فالمنطقة فخود عندك:
الحوثيين في اليمن
حزب الله في لبنان
الشيعة في سوريا
الجهاد في غزة وباقي المقاومة تابعين لإيران لأنها هي اللي بتمدهم بالسلاح.
فهنا لو حصلت حرب فالمنطقة حتشتعل، واكتر اتنين بيخصونا وحيكونوا تهديد للأمن القومي المصري بشكل مباشر هما:
الحوثيين في اليمن عند الجنوب فتخيل كدا اي سفينة داخلة أو خارجة من قناة السويس عند باب المندب حيتم استهدافها.
الكيان المحتل وحدوده معانا وهنا اقصد قطاع غزة.
بمعني لو حصلت حرب بين إيران وإسرائيل فلازم حيشتركوا فيها علي الاقل تنظيم الجهاد مقولناش كتائب القسام سرايا القدس وباقي الفصائل.
ومننساش أن تنظيم الجهاد من اقوي الفصائل الفلسطينية.
فاكرين سؤال ايه علاقة اللي بيحصل فاسرائيل بمصر؟
إجابة السؤال ده ليه علاقة بقطاع غزة وحدوده معانا
فركزوا معايا فالكام نقطة المهمين دول.
ذي ما ذكرنا أن إسرائيل عندها مشاكل داخلية فالمفروض أن الإعلام الاسرائيلي يركز مع ده لكن لا ، كيان الإعلام المحتل ساب كل مشاكله ومركز معانا ونازل هجوم على مصر.
وخصوصا جريدة تايم الإسرائيلية وجريدة هارتز الإسرائيلية وقالوا إن الوضع الاقتصادي في مصر خطير وغير مستقر.
وجه محلل اسرائيلي مشهور في جريدة هارتز الإسرائيلية علي علاقة بالقيادة العليا في اسرائيل وكتب مقال خطير بعنوان:
مصر علي شفا حفرة من الهاوية نتينياهو لو زأها حتقع
طب ليه اسرائيل عايزة توقع مصر؟
لأن الرضا المصري مناخدش ومصر رفضة حدوث حرب فالمنطقة.
تعالوا نكمل نتائج لو حصلت حرب فالمنطقة.
احنا ذكرنا قبل كدا لو حصلت حرب فحدودنا مهددة سواء من الجنوب الحوثيين وحدودنا مع قطاع غزة.
تعالوا نشرح اكتر:
موضوع قطاع غزة هو الخطر الثاني علي مصر، وده بيرجعنا لكلام المحلل الإسرائيلي بأن نتيناهو ممكن يقود مصر نحو الهاوية عن طريق خطة هو واضعها هو:
استفزاز مشاعر الفلسطينين زي ما بيدعوا هو علينا زي:
الضفة الغربية هناخودها
حي الخان الاحمر فالضفة حنشيله كله
وزير الأمن العام دخل الاقصي واقتحمه
وهكذا من التصريحات والافعال الاستفزازية.
ودي بداية الخطة لوقوع مصر عن طريق لما تحصل الأفعال دي تقوم الفصائل الفلسطينية بحرب فطبيعي تحصل فالشارع المصري مظاهرات مناصرة للفلسطينين زي مابيحصل كل مرة.
وفي ظل موجة الغلاء وارتفاع الأسعار ممكن يحصل تظاهرات ضد النظام المصري والرئيس الجمهورية المصرية عبد الفتاح السيسي فينتج عنها فوضي وإسقاط النظام وأشار أن ليهم ازرع مساندة ليهم هنا فوقت التظاهرات لحدوث فوضي لإسقاط النظام فالدولة المصرية تكون بدايتها شرارة دعم لفلسطين وده يصب لصالح إسرائيل.
لصالح إسرائيل ازاي برضو؟
زي ما شرحت قبل كدا اسرائيل مستحيل تدخل حرب غير مايكون ليها دعم كامل سواء من الخليج وده حصل لأن إيران هي عدوتها اللدود، وامريكا ادتها الضوء الاخضر.
فمين بقي اللي واقف فالنص ورافض حدوث حرب طبعا مصر.
ملحوظة مهمة
لو حصلت ضرب فغزة من حكومة نتيناهو فحتبقي ضربة قوية مش مجرد ضربات عسكرية زي كل مرة، فحتستخدم أسلحة ثقيلة ومحرمة وحتبيد غزة وده لان حكومة نتيناهو حكومة متطرفة فوق كل ده إسرائيل مش حتقدر تدخل حرب وهي متشددة مابين جبهتين إيران من ناحية ومشاكلها الداخلية من ناحية أخرى فلازم حتضرب غزة بكل قوتها.
نيجي للسؤال الأهم لو حصل ضرب فغزة حينتج عنه ايه؟
زي ماقولنا فوق حيحصل تظاهرات فالشارع المصري تكون بداية لحدوث فوضي بازرع مساعدة ليهم تساهم فنشر الفوضي لسقوط النظام وتكون لصالح إسرائيل عشان تقدر تضرب إيران والأهم والأخطر هو نزوح عدد كبير من الفلسطينين أثناء ضرب غزة لسينا.
ونزوح بمعني مجئ مش أهل غزة لوحدهم لا بسلاحهم بالفصائل الفلسطينية وبأرهابهم عشان كدا بنسميه نزوح.
طب ايه سر توقيت وزير الخارجية الأمريكية "أنتوني بلينكن" لمصر؟ وعلاقته بالخليج؟ وعلاقته بالابتزاز اللي بتتعرض لها مصر؟
بص يا سيدي:
وزير الخارجية الأمريكي هو الرجل الأخطر في الإدارة الأمريكية كان موجود فمصر فزيارة سريعة من كام يوم بعدها توجه لإسرائيل .وكلنا عارفين أن مصر دولة قوية ومهمة فالمنطقة فيجب أن تؤخذ الكلمة من مصر وبعدين تبني عليها المواقف.
وعلشان كدا كان وزير الخارجية الأمريكي كان جاي يقنع مصر بالحرب دي دا غير أن في دول ومعروفة هي الخليج بالتحديد السعوديه موافقة علي دخول الحرب وبتضغط علي مصر علي دخول دون الاعتبار علي أمنها القومي.
ولما ملقاش وزير الخارجية الأمريكي نتيجة مع مصر اضطر أن يفتح ملفات زورا واتكلم فيها فالمؤتمر اللي انعقد مع الوزير سامح شكري زي ملف حقوق الإنسان فمصر وحقوق المعتقلين فالسجون المصرية.
ملحوظة هامة
لو حصلت تهديد إيران للخليج مصر تدخل طبعا طبقا لاتفاقية بين مصر والخليج ولكن مصر متبدأش هي بالحرب وده اللي مش عاجب لا الخليج ولا اسرائيل.
ختاما
كلمة رئيس الجمهورية المصرية الرئيس عبد الفتاح السيسي في عيد الشرطة المصرية:
محدش يقدر أو يتخيل أو ياخد أو يسيطر علي اي قطعة من مصر
مع قراره بعمل احتفالية ضخمة فشمال سيناء بمناسبة القضاء على الإرهاب، هي رسالة واضحة وقوية وسريعة بأنه غير مسموح الاستيلاء علي اي ارض مصرية من اي فصيل أو دولة تانية غير مصر، وان سيناء ارض مصرية ملك للمصريين فقط.
انتهت بحمد الله
حفظ الله مصر وشعبها ورئيسها تحيا مصر 🇪🇬
عاش✨