الفترة الأخيرة حصل هجوم كبير جدا على القومية المصرية وتم إلصاق العديد من التهم فينا والتشكيك في انتمائنا وتوجهنا بس هل الكلام ده صح؟
القومية المصرية هدفها انها تعيد الهوية المصرية وتعزز الانتماء الوطني للبلد بحيث ان يكون ليك هوية تتفرد بيها عن باقي الشعوب وليك أعظم وأقدم حضارة عرفتها التاريخ وهي الحضارة المصرية القديمة وقد إيه الحضارة دي أسهمت في حاجات كتيرة جدا بل وان حضارات تانية كتيرة اوي قلدت حاجات كتيرة جدا من الحضارة المصرية زي اليونانية والرومانية والإسلامية
طب ايه هي مفهوم القومية المصرية بشكل أكاديمي؟
القومية المصرية هي حركة مصرية مدنية بتأكد على وحدة المصريين بغض النظر عن العرق والدين، واعتبرت أن مصر لها نظام إقليمي مستقل في العالم منذ عهد المصريين القدماء في مصر القديمة، برزت علي الساحة المصرية في عام 1920م و1930م، وتتركز علي مصر قبل الإسلام في الماضي، وتسترجع الحضارة المصرية القديمة وأنها كانت جزء من أكبر حضارات الأبيض المتوسط، وأكد هذا الفكرة علي دور النيل والبحر الأبيض في تكوين هذه الحضارة العظيمة، ويعتبر المصريون أول من أسسوا دولة قومية منذ 5000 سنة. تطورت الهوية المصرية منذ العصر الحديدي المصري وبقيت لفترة كبيرة محتفظة بالهوية المصرية الأصيلة والعادات والتقاليد والدين على مر العصور ،ثم وقع المصريون بعد ذلك تحت تأثير الاحتلال والخلافة من قبل الحكام الأجانب كالفرس، النوبيين، الإغريق، الرومان، العرب، الأتراك، الفرنسيون، البريطانيون، وفي ظل هذا الحكم الأجنبي بدأت تتلاشى الديانات القديمة لدى المصريون وتلاشت اللغة المصرية القديمة لأسباب متعددة هنتطرق ليها في مقالات قادمة ثم دخلت المسيحية ثم الإسلام فاعتنق المصريون تلك الأديان ، واستخدموا لغة جديدة وهي العربية بالإضافة للقبطية .
متي ظهرت القومية المصرية بمعناها الحالي؟
ظهرت القومية المصرية من جديد وبرزت في الساحة العامة في أوائل القرن الـ 20 عن طريق المثقفين المصريين في أوروبا والذين تأثروا بالحضارة والنهضة الأوروبية الحديثة ويروا أنه يجب تبني القيم الأوروبية بما يصلح للمجتمع المصري وهم غالبا من التيار الليبرالي وعندما سعى المصريون لتحرير أنفسهم من الاحتلال البريطاني، مما أدى إلى صعود القومية العرقية والإقليمية لمصر، وأصبحت القومية المصرية النمط السائد للناشطين المصريين المناهضين للاستعمار الأجنبي للدفاع عن البلاد في فترة ما قبل الحرب.
طيب كل الكلام ده جميل وقد ايه هدف القومية المصرية نبيل في وحدة المصريين ضد أي عدو. طب ليه حصل العداء ده؟
وده يمكن لأسباب كتيرة جدا بس احنا تركيزنا في المقالة دي هي السبب الديني لأن ده من أخطر الأسباب اللي بتواجها مصر عموما قبل القومية المصرية.
لما تسأل عن حد مسلم في الأيام دي عن المصريين القدماء تفتكر إيه اول حاجة ممكن يفكر فيها؟
صح، فرعون موسي.
يعتبر حجة فرعون موسي من أبرز الحجج اللي تجار الأسلام بيقولوها وده علشان يثبتوا نظرية ان المصريين القدماء هما الفراعنة يعني هما كفار بيعبدوا الأصنام ويتطهدوا الناس الغلابة اللي مش قادرة علي بطش الحاكم وبذات الحاكم هو الملك رمسيس التاني. لكن هل ده صحيح؟
مبدأيا مفيش اي حد مسلم يقدر يشك في قصة سيدنا موسي -عليه السلام- لان القصة دي مذكروة في القرآن الكريم ومذكروة واحدة من أروع وأجمل معجزات الله -عز وجل-، لكن تركيزنا في فرعون موسي هل هو حاكم مصري ولا لا وهل هو رمسيس التاني؟
أجابة السؤال ده بسيطة جدا ومن مصدر معروف ولا يمكن الشك في وهو القرآن الكريم.
أولا في الأية الكريمة :
إِنَّ فِرْعَوْنَ عَلَا فِي الْأَرْضِ وَجَعَلَ أَهْلَهَا شِيَعًا يَسْتَضْعِفُ طَائِفَةً مِّنْهُمْ يُذَبِّحُ أَبْنَاءهُمْ وَيَسْتَحْيِي نِسَاءهُمْ إِنَّهُ كَانَ مِنَ الْمُفْسِدِينَ ﴿4﴾ سورة القصص
وهذا ذكر في الأية كلمة فرعون كنكرة مش صفة يعني متقالش في الاية الفرعون وده يدل علي إن فرعون ده إسم مش صفة وده دليل من القرآن أن فرعون مش معناها الملك يعني مثلا لو كان الفرعون زي الوزير، الكاتب وهكذا انما في الأية مكتوبة فرعون بس.
وفيه أبحاث كتيرة بيقال إن فرعون موسي أصلا هكسوسي وكان ضد امصريين القدماء فبالتالي ده مش مصري من الأساس.
طيب في الأية الكريمة:
وَقَالَتِ امْرَأَتُ فِرْعَوْنَ قُرَّتُ عَيْنٍ لِّي وَلَكَ لَا تَقْتُلُوهُ عَسَى أَن يَنفَعَنَا أَوْ نَتَّخِذَهُ وَلَدًا وَهُمْ لَا يَشْعُرُونَ ﴿9﴾ سورة القصص
وده معناه ان السيدة أسيا -رضي الله عنها- قالت لفرعون انها عايزة تتبني موسي لانها مش بتخلف في حين أن رمسيس التاني مات وساب 115 ولد وبنت يعني كان بيخلف وده دلل علي ان فرعون مش رمسيس التاني.
ورمسيس التاني المورخين سموه بالملك المهندس أو الملك البناء وده لإنه أكتر ملك ساب أثار اثناء فترة حكمه في حين ان كل اللي بناه فرعون ادمر وده موجود في الأية الكريمة.
وَأَوْرَثْنَا الْقَوْمَ الَّذِينَ كَانُواْ يُسْتَضْعَفُونَ مَشَارِقَ الأَرْضِ وَمَغَارِبَهَا الَّتِي بَارَكْنَا فِيهَا وَتَمَّتْ كَلِمَتُ رَبِّكَ الْحُسْنَى عَلَى بَنِي إِسْرَآئِيلَ بِمَا صَبَرُواْ وَدَمَّرْنَا مَا كَانَ يَصْنَعُ فِرْعَوْنُ وَقَوْمُهُ وَمَا كَانُواْ يَعْرِشُونَ ﴿137﴾ سورة الأعراف
معلومة سخنة سيكا
فرعون موسي مات اثناء فترة حكم في حين رمسيس التاني تنازل عن الحكم لإبنه مرنبتاح الأول.
وغيرها وغيرها من الأدلة اللي تثبت ان الحضارة المصرية مش كافرة من الأساس وإنهم كانوا موحدين.
طيب نيجي عن حتة ان القوميين ملحدين و وي وي
الكلام يطول في النقطة دي وكتبنا عن المثليين.
مبدأيا القومية لا تمثل حركة معينة وغيرها بل هي حركة مستقلة عن ذاتها وكمان الحركة القومية دي ضد أي حركة يسارية من الأساس فإي حد يساري يستخدم القومية كستار في إنه يهاجم الدين فده لا يمثل القومية اطلاقنا لإن القومية زي ما قولنا مش بتفرق ما بين عرق ودين وأهم حاجة هو الانتماء للبلد.
طيب كل الكلام الجميل ده بس إيه علاقته بالمقالة وليه الكراهية للحضارة المصرية والقومية المصرية من الأساس؟
هو أبرز سبب لكراهية تجار الإسلام للحضارة المصرية هي بسبب فرعون موسي وكراهيتهم للقومية المصرية هي بسبب انها بتبقي ملاذ للملحدين والشواذ. وده بسبب انها من أعظم الحضارة وطالما انت بيقيت جامد وعظيم أكيد فيه ناس هتحاول بكل الطرق أنك تقع علشان تأخد الصدارة وبالتالي انت تفضل وطي هما اللي عاليين. وكتير من الأحتلالات حاولات انها تشوه من سمة الحضارة المصرية تنسب المصريين ليهم هما ولكن كل ده باء بالفشل وأبرز مثال علي ده هي ثورة 1919م اللي قام بيها سعد زغلول. لكن كان لازم الإحتلال يعرف إيه هي نقطة ضعف عند المصريين بحيث انهم يعرفوا يتحكموا بيهم وبعد معانا منهم اكتشفوا إن المصريين.
متدينين بطبعهم
وبالتالي إذا استخدمت الدين هتقدر تتحكم بيهم بكل سهولة ومن هنا برزت واحدة من أخطر الحركات اللي عرفها التاريخ المصري وإلي يومنا هذا لسه بنعاني منه اللي هي حركة اإسلام السياسي واللي من أبرزها:
جماعة الإخوان المسلمين
والجماعة دي مش بس مجرد انها عملت تحرك سياسي كده وخلاص بكل كانوا مسيطرين علي الجوامع و بينشروا الدين علي طريقتهم وإي حد ضدهم بيبقي كافر بلا نقاش والجماعة دي برزت في الإسماعيلية برئاسة الشيخ حسن البنا عام 1928م ، كجمعية دينية تهدف إلى التمسك بالدين وأخلاقياته وفي عام 1932م ، انتقل نشاط الجماعة إلى مدينة القاهرة ولم يبدأ نشاط الجماعة السياسى إلا في عام 1938م.
كانت حركة ضعيفة جدا وكان الاعضاء بيتقبض عليهم خصوصا في حكم جمال عبد الناصر ولكن عرفوا يرجعوا لأقوي بعد ما خرجهم الرئيس أنور السادات بهدف إنه يتخلص من الشيوعية فضلت تبقي بارزة في ساحة السياسة و استغلوا فترة حكم مبارك من فساد وفقر وإنتشار العشوائيات اللي استغلوها بشكل كبير جدا وظهرت أفتك وأخطر ما عندها بعد ثورة 30 يونيو بالتحديد بعد ما تم عزل الرئيس المعزول محمد مرسي وبالتالي انتزع عنهم حكم البلاد وده سبب من مطر من الإرهاب في البلد.
تمر السنين من محاولة الفشل لإسقاط النظام الحالي لحد ما وصل يوم 4 إبريل سنة 2020م وهي يوم حفل موكب المومياوات الملكية واللي بسببه أعطي قبلة الحياة للقومية المصرية.
في البداية بيدجات الترند بتنشر بكلام كوبي بيست ان ازاي الدولة تعلم حفلات وانهم مش بتراعي الغلابة ومكنوش مديين القومية المصرية اهمية. لكن مع يوم افتتاح طريق الكباش والموضوع ابتدئ يتغير وتحس انهم أدركوا إن الموضوع مش مجرد حفلة كده وخلاص لا دول لاحظوا أن فيه مشاريع كتيره الشكل الهندسي بتاعها مصري قديم فده ممكن يوحي بإن القومية المصرية مكن تبقي أيديولوجية النظام الحالي ودي لوحدها مصيبة. وده غير الوهابية والسلفية اللي كانوا زي السوس في المجتمع المصري اللي مصدره من دول خليجية زي السعودية واللي بتحاول تخلص من الوهابية اللي فيها عن طريق إقامة حفلات ومهرجانات سينمائية وسابوا لنا السوس ده يفضل عائق علي كل حاجة.
القومية المصرية تعتبر أخطر من النظام الحالي بأضعاف، عندهم الرئيس السيسي يقعد في الحكم ولا إن الهوية المصرية تقوم
وبسبب كده حصلت محاولات كتيرة جدا إنهم يضعفوا القومية المصرية بكل الطرق الممكنة مثلا يعملوا ميمز يتريقوا عليم ويقولوا يا كمايتة وكل الكلام ده.
لكن هل بيهاجموا القومية لإنها ضد الإسلام فعلا؟
أحب أقولك إن الكلام ده مش حقيقي تماما! وده لأسباب كتيرة جدا زي الأسباب لاسياسية ومنها بتجيب ريتش وتفاعل عالي جدا جدا جدا! فاكرين الصور بتاعت "إن لم تنشره فإعلم أن الشيطان منعك" و تقول الله وأكبر لما يكون فيه بوست عن "ان محدش بيعمل تفاعل مع قرآن"؟ كل الكلام ده كان هدفه إن يستقطب الناس علشان يمرروا أجنداتهم ويوجهوك زي ما هما عايزين وتفتكر أنك انت بتعمل بالدين الصحيح. وعلشان كده بيستغلوا التفاعل الرهيب ده في إنهم يخلوهم يهاجوا اي حد بإسم الدين وكلمة الله وأبرز مثال هو هجومهم للرئيس السيسي بسبب إنه إنتزع عنهم الحكم بتفويض شعبي بسبب إنه الشعب كرهوا الإخوان تماما وأتقال عليهلا إنه صهيوني وكافر وإنه من حكام العرب الظالمين اللي مش بينصروا القضية الفلسطينية اللي بيتاجروا بيها ليل نهار بلا ملل وكأنها بلادهم هما مش مصر.
فسهل جدا انهم يوجهوا الناس دي ضد القومية المصرية لإنها أكبر عامل هدم لتجارتهم.
وده بظبط بيفكرك بهجوم قريش علي رسول الله -صلي الله عليه وسلم- مش علشان الرسول بيدعوا لعبادة الله وترك الأصنام وبس لا ودعوته ممكن تدمر تجارة كبيرة جدا وقتها فممكن يعملوا المستحيل علشان يقاوموا الدعوة لانها بتهد تجارتهم وهمهم الأول هو الفلوس انما لو الألهة دي مكنتش تنفع للتجارة كان إسلامهم هيقي أسهل بمراحل.
لو كان الدين الإسلامي مبقاش يعمل ريتش وتفاعل زي دلوقتي كان اول ناس اللي هيلحدوا ويبعدوا عن الدين هم اللي بيتاجروا بيها لإنها بضاعة انتهيت صلاحيتها مش دين لعبدة الله من وجهة نظرهم
مقال عظيم جدا، كبداية 🔆