ليه لازم يبقي فيه ثقافة اقتصادية في مصر؟

بنسمع كتير عن استثمارات وبنوك والأوضاع الاقتصادية في البلد وعن البورصة المصرية هل هي امان ولا لا ولا ده حلال وده حرام وكلام كتير اوي واسئلة كتيرة بتطرح بخصوص الحاجات دي لانها ده فلوس والكلمة فيه ممكن يكسب الواحد اللاف أو الملايين وممكن توقعك في ديون ومصائب ونصب وعلشان كده البوست ده مخصوص في أننا ازاي يبقي فيه ثقافة اقتصادية في كل مصري ومصرية علشان تعرفوا ازاي تتعاملوا في البنوك والبورصة بطريقة صح وازاي تيفيدوا نفسكم وتفيدوا البلد اقتصاديا بطريقة صحيحة.

ايه هي الثقافة الاقتصادية؟

ملهاش مصطلح معين "احنا اخترعنا المصطلح ده 🙂" وهي ثقافة بتهدف الي وعي الإنسان تجاه ماله وازاي يعرف يحقق مكسب ويزود من دخله ويقلل من فرص الخسارة علي قد ما يقدر وازاي تتعامل مع البنوك والبورصة بحيث يستفيد منهم أقصي استفادة ممكنة.

يعني طبيعي في كل إنسان أن لازم يحافظ علي فلوسه وماله ويدور علي طريقة يكسب منها اكتر علشان يسد حاجاته اللي تخليه يعيش زي الاكل والشرب واللبس وغيره واواي يستثمر فلوسه بشكل صحيح وفي المكان الصح ويتجنب اي مشكلة او نصب ممكن يتورط فيها وفلوسه تضيع.

ليه لازم يبقي عندنا ثقافة اقتصادية؟

وقت ما كان فيه فرصة شهادات الاستثمار اللي طرحتها بنكي الاهلي ومصر شهادة ال18% علشان يبقي فيه سيولة في الاقتصاد بعد ما البنك المركزي رفع سعر الفائدة بسبب أن البنك الفدرالي الأمريكي رفع برضو سعر الفائدة للدولار وبسبب كده الحاجات والمنتجات سعرها ارتفع، طلعات أقاويل كتيرة عن أن الاستثمار في البنوك حرام ولا يجوز رغم أن دار الإفتاء المصرية قالت إنه يجوز شرعا الاستثمار في البنوك طالما مفيهاش ربا ولكن رغم كده إلا أن مازل بعض المدعيين بأنهم يقولوا أن الاستثمار حرام ومنعرفش اي الغرض من الفتاوي دي.

وفي وقت الأقاويل دي فجأة طلعت لنا قضايا المستريحيين واللي نصوا ناس في المناطق في الصعيد ووجه بحري بمبالغ مرعبة اوقات توصل أن مستريح واحد ياخد فلوس من ناس تبلغ مليار جنيه مصري وان موضوع المستريحيين ده مطلعش لله كده بل طلع كده لان الحكومة عارفة بموضوع المستريحيين ومدي استغلالهم للدين لمصلحتها ويقدروا علي نصب الناس بسهولة ولأن بيفهموا الناس أنهم الفلوس اللي بيدوها هيرجعوا أضعاف [أشبه بوسيط كده] لكن للاسف مبيرجعوش تاني وعلشان تحاول توصله صعب كده خصوصا أن كتير منهم مش بيكتب اسمه الحقيقي وبيستعين باسم مزيف.

وكمان تعرف ازاي متوقعش في فخ أكيد حد فينا اتعرضه زي نصباية التسويق الشبكي — Multi Level Marketing— واللي بتهدف أن بياخدوا فلوس في مقابل انك تدور علي حد تاني يسوق منتج لشركة معينة ويدفعلك فلوس بحيث يجيلك فلوس اكتر وللاسف ناس كتيرة كده اتعرضت لدوامة التسويق الشبكي ويخسروا فلوس كتيرة وتقطع العلاقات بسبب انك عايز توقع الناس اللي تعرفهم علشان ترجع فلوسك من اوله.

ايه اساسيات الثقافة الاقتصادية؟

من اهم الأساسيات الثقافة دي هي (🏦 البنك - 💷 الاستثمار - 📉 البورصة - 🏬 ريادة الأعمال)

🏦 البنك

البنوك هي من أهم مكان علشان تستثمر أو تحوش فلوسك وغيرها.

وهي من أهم الجهات اللي ممكن تستثمر فيها فلوسك وتعمل فوائد ممكن تزودلك فلوسك بنسبة بتحددها البنك زي مثلا البنك المركزي لما حدد أن يكون سعر الفائدة يبقي 18%.

ودي من أمن استثمارات اللي ممكن تستثمر فيها لانك عارف انت هتستثمر فين وعارف مين هما ومين البنك، بدل ما تروح لشخص غريب زي المستريح وترمي فلوسك لشخصية مجهولة ويا عالم إذا كان مزور اسمه ويا عالم إذا عرفت توصله ولا لا وحاجات كتيرة.

💷 الاستثمار

الاستثمار ده جزء مهم جدا في انك تزود من فلوسك ودخلك عن طريق تستثمر في شركة وتساهم فيها بحيث يكون ليك نصيب فيها.

يعني لو حد عايز يعمل مشروع انت تقدر تدخل كشريك في المشروع وتستثمر فلوسك فيها بحيث يبقي ليك نصيب من أرباح المشروع وتكسب اكتر.

📉 البورصة

مين فينا ميعرفش ايه هي البورصة خصوصا انها بتعرفنا الاقتصاد المصري ماشي ازاي وهل بيكسب ولا لا؟

وده اللي بتعمله انك وتشتري سهم ولو بمبلغ بسيط علشان لو سعر سهم الشركة تزيد تعرف تبيع باعلي سعر علشان يكسب اكتر وهكذا.

وفيه ابلكيشن اسمه Thndr تقدر تشتري أسهم لشركات مصرية وتعرف الاسهم بتاعت شركات بلدك رائحة فين علشان تستغل في الوقت الصح.

🏬 ريادة اعمال

مين نفسه يعمل مشروع ومش عارف ازاي يجيب تمويل، وده عن طريق انك تسأل البنك عن قرض مشاريع علشان ينولك مشروع برأس مال كويس بيحيث تعرف تشتغل عليه وتسدد القرض وتعمل ارباح.

وحاليا مصر شغالة دلوقتي علي مساعدة مشاريع ريادة الأعمال أنها تقوم عن طريق أنها تديها منح علي حسب المشروع إذا كان صغير ولا متوسط ودي تبساهم في أنها بزود من عدد الشركات الخاصة اللي ممكن تقام في البلد.

الوضع الاقتصادي في مصر

الوضع الاقتصادي في وقت نزول البوست ده في حاجة كبيرة أن شركات خاصة أنها تقوم مع الحكومة وتساندها علشان الاقتصاد المصري يعرف ينجو من تداعيات حرب روسيا وأوكرانيا بأقل الخسائر ممكنة وتفضل مستقرة بقدر المستطاع.

وعلشان كده الجمهورية المصرية أطلقت عدد منح وخدمات ريادة لعمل مشاريع صغيرة ومتوسطة لصناعات كتيرة وبذات وزارة الاستثمار عملت شغل جامد جدا في أنها بتعمل تساهيل لإجراءات تراخيص المناصره والمشاريع وبسهولة تقدر تقدر تدخل في دورات تدريبية لريادة الأعمال وازاي تعمل تخطيط جدول لمشروعك بشكل احترافي.

ضيف علي ده مشاريع اللي بتقيمها الدولة لهما المدن الصناعية الكبيرة اللي بيتم إنشاءها علشان توفر مصانع للمستثمرين ولوراد الأعمال ويتوفر بيئة ممتازة للصناعة وتوفير فرص عمل بالملايين لما تشغل مصنع من المصانع دي.

وممكن بعد ما تعمل مصنعك ومشروعك علي طول تقدمه في البورصة وتاخد اسمه بحيث يزودلك من رأس المال للشركة بشكل اسرع ويجذب مستثمرين علشان يستثمروا في مشروعك.

وفي حالة انك ملكش في المشاريع عليك وعلي شهادات الاستثمار اللي بتوفيرها البنوك علي حسب نسبة الفائدة اللي انت عايزها لو اخترت شعري او سنوي ممكن يرجع لك فلوس زيادة بنسبة الفائدة.

يعني لو دفعت مثلا 50.000 جنيه شهادة فوائد بنسبة 5% سنويا بعد سنة هيرجع لك مليون جنيه وهكذا وعلي حسب شروط البنك.

ازاي نوعي الناس بخصوص الثقافة الاقتصادية؟

توعية الناس بثقافة زي الثقافة الاقتصادية بتتركز علي 4 عنصر وهي:

💷 التوعية المادية

التوعية دي بتشمل في انك ازاي لو استثمرت فلوسك في مشروع أو لو اشتريت تسهم ممكن تكسب فلوس كتير بس بطريقة صح عن طريق توفر له كورسات أو ندوات عن البورصة وازاي يشتري اسهم في البورصة المصرية بشكل كويس وبخساير اقل لأن البورصة معروفة فيها مكسب وخسارة.

وياريت لو وزارة التربية والتعليم عملت مادة في المنهج اسمه مادة الاقتصاد بحيث يعرف الطالب المصري علي أساسيات الاقتصاد وازاي يقدر يستثمر وهو صغير علشان يعرف يحقق مكسب كويس.

🕌 التوعية الدينية

وبما أن المصريين متدينين بطبعهم فأكيد لازم يكون فيه استشارات دينية مهمة بخصوص الاستثمار والبورصة بذات لأن اسئلتها كتيرة وفتاويها اكتر، وعلشان كده دار الإفتاء المصرية ممكن تقول فتاوي عن الاستثمار وانتي يكون حلال وامتي يكون حرام (في حالة الربا) علشان لما حد يستثمر يستثمر وهو دينيا مطمن.

🏛️ توعية سياسية

ودي مهمة جدا خصوصا أن الحكومة بتوفر مدن صناعية كتيرة جدا ومنح لا تعد لريادة الأعمال وكورسات تؤاهلك للسوق العالمي ومتغيرته،وده زي ما قولنا وبنشوفه أنه فيه مصانع عملتها الدولة علشان تساهم في الاستثمار.

👨‍👩‍👧‍👦 التوعية الاجتماعية

ودي اهم نوع المن التوعية لأن ده علي اساس بيتراب ازاي هتوفر فلوس لعائلتك وتزود عليها اكتر، خصوصا لفئة الشباب والبنات اللي عايزين يتجوزوا بس للاسف يبقي متطلبات الجواز عالية اوي وصعب انك تقدر عليها فمهم جدا انك تعرف ازاي تدبر وتعرف تستثمر علشان تحسن حالتك الاجتماعيه وتزود من دخلك وتعرف تشتري أمتي وتبيع أمتي.