انهيار الليرة التركية .. ماذا يحدث في الاقتصاد التركي؟

تركيا التي كانت يحكي عنها قصص و ينضرب عليه مثال اقوي اقتصاديات العالم تنهار بشكل كارثي ... إيه القصة؟

في اوقات كتير لما تتكلم عن الاقتصاد التركي او تنتقد النظام التركي بتسمع كلام زي:

شوف اقتصاد تركيا ازاي ... الصادرات بتاعتها اعلي منك ... العملة بتعتهم حسن منك

و علي فكرة علشان نكون واقعيين تركيا فعلا حصلها طفرة كبيرة جدا في الاقتصاد بتاعها بتحديد في عام 2002 م في اوائل حكم حزب العادالة و التنمية وكان متوسط دخل الفرد ممكن يوصل لحد 3600$ و زاد لحد 11 الف دولار في عام 2013 م.

ولكن في خريف عام 2018 لاحظ ان في انهيار ملحوظ بشكل بسيط في الاقتصاد التركي ولكن التأثيرا ده ظهر بجد في وقت ازمة جائحة كرونا و ده بسبب حالة الغلاق و زيادة نسبة البطالة في البلاد.

طب طالما تركيا كانت واحد من اقوي اقتصاديات العالم ايه اللي يخلي عملتها تنهار بالشكل ده؟

الحكاية و ما فيها هي ان الرئيس التركي رجب طيب اردوغان حاول انه يقلل من تضخم كبير اوي اللي حصلت في البلاد ديما في حالة تصاعد و مش بتنزل فكان لازم حل للتضخم ده لان النهاردة احنا بتتكلم في تضخم وصل 19.25% وممكن خلال الايام أو الاشهر القادمة ممكن تدخل لـ 20% لحد اخر السنة.

و لو متعرفش يعني ايه تضخم ببساطة هو ان ده ضعف في القوي الشرائية للعملة التركية و بالتالي ده بينتج عن زيادة كبيرة في اسعار المنتجات (زي الزيت و اللحمة و غيرها).

و علشان يحل المشكلة في حل تقليدي و معروف في علم الاقتصاد هو انك تزود سعر الفائدة للبنوك وبالتالي تجيب عملة صعبة وإستثمارات علشان الناس تعمل ودائع في البنوك و تزود في الاستثمارات و بالتالي تزود سيولة نقدية للبلد فبالتالي تزود من القوة الشرائية للعملة و تقلل التضخم.

وده توازن طبيعي كل ما التضخم يزيد تزود سعر الفائدة علشان تقلل من التضخم قدر الامكان و العكس ... حلو؟ حلو

و في سنة 2020 م الرئيس التركي رجب طيب اردوغان فعلا مشي علي اساس ده علشان يقلل من التضخم اللي موجودة في البلاد وكانت بنسبة 16% في انه رفع سعر الفائدة و خلي الليرة ساعتها من 8.5 لـ 7.50.

طيب إيه اللي بيحصل في الايام الاخيرة؟

في مفأجاة غريبة الرئيس التركي اردوغان خاطب الشعب التركي وقال في حاجة مش في تخصصه اساسا وهو ان سبب التضخم ده بسبب زيادة سعر الفائدة و علشان يواجه التضخم ده هو ان...

يقلل من سعر الفائدة!!

وفي الاقتصاد الحركة دي بتسمي بحلول غير تقليدية.

طب هل في دول عملت الحركة دي ايوة بالفعل عملتها. زي مثلا البنك الأوروبي سعر الفائدة عندها صفر.

في حاجة اسمها الفوائد السالبة وده معناه انك لما تحط وديعة في البنك بتدفع عليها فلوس زي اليابان و دنمارك و السويد و عند سويسرا.

و دي معناها ان البنك عنده فلوس و عنده فائض بيحطه في البنك المركزي كودائع و بيأخد عليه نسبة فائدة من غير ما يكون فيه مخاطرة في انه يدي قروض لناس و في كساد اقتصادي ويقبي في مخاطر في السادات القروض و تعسر فيها.

فالدول اللي بتتبع سياسة الفائدة السالبة عايزة فلوس البنوك متتبعتش للبنك المركزي بشكل مباشر ويطلعها في عمليات ائتمان و أقتراض يعني ادي للناس فلوس تشتغل علشان تعمل مشاريع صغيرة او متوسطة علشان تعمل انتاج و توزد الصادرات وتدخل فلوس اكتر و اكتر.

وهنا كل ما تقلل من سعر الفائدة كل ما تخلي البناس تاخد قروض اكتر من البنوك علشان تعمل مشاريع و تعرف تصدر.

الليرة التركية

طيب تمام

طيب لما نرجع تاني لتركيا في خناقة شديدة جدا بين الحزب الجمهوري المعارض و اردوغان؛ اذ ان المعارضة طلبت منه ان يزود سعر الفائدة مش العكس و ده لو قللتها التضخم هيزيد اكتر والعملة هتنزل اكتر و هيعاني المواطن التركي وكل مدخراته هتقل بشكل كبير جدا و القوى الشرائية هتقل اكتر خصوصا و ان تركيا مرت بأزمة شديدة ودخول العالم في ازمة اقتصادية عالمية أسوا من ازمة 2008 بسبب تداعيات جائحة كرونا زي ما قولنا في أول المقال.

الرئيس التركي اردوغان اعلن انه يقفز صادرات الدولة لحد 200 مليار دولار في نهاية السنة دي ويدعي ان اروبا و دول الدكتاتوريات بتتأمر علينا و بيقول شوف الدولة دي سعر الفائدة بيتاعها ايه وده و اشار لفرنسا و يذكر ان سعر الفائدة عندها 0.3% و بيدعي ان الدول دي مناعة الدولة العثمانية الأسلامية من انها تقوم تاني وهكذا من غسيل المخ اللي بيعمله لشعبه بشكل خطاب شعبوي بحت.

بالاضافة في أنها قال ان الفؤائد دي ربا و لازم نتخلص منها لأننا في دولة اسلامية علشان الرغم من صح الفوائد دي نوع من انواع الربا ده علي اساس أن مفيش دعارة و دعم للمثلية ؟يعني؟

ظاهريا ممكن تشوف ده صح انت عايز تقلل من سعر الفائدة علشان تعرف تخلي الناس تعمل مشاريع تنموية و تعرف تزود في الصادرات لحد كده و كل زي الفل بالياسمين

بس فكر سيكا كده ... مهو النهاردة ان العملة بتضرب معاك كده و يبقي سعرها غالي اوي بحيث وصلت لحد 12.64 ليرة مقابل الدولار من تاريخ المقال.

طب ما انت عنك بند تاني اسمه بند الواردات طيب انت بتصدر بحوالي 200 مليار دولار حلو. بتستورد بكام؟ يعتبر الاستيراد اكتر من التصدير وعندك عجز في الميزان التجاري بمقدار 5 مليار دولار و بالتالي طالما زود الفائدة يبقي هتزود عجز الميزان التجاري و بالتالي زاد الطينة بلة.

وبالتالي علشان تفكر ان علشان يتم اتخاذ قرار خفض سعر الفائدة يبقي لازم نسبة التضخم تكون اقل او بنسبة امنة لان احنا زي ما قولنا التضخم وصل لحد 19.25%.

المفروض يكون في تدخل مؤقت لحل الموضوع ده إلا ان ساب كل الكلام ده و مسك في خفض سعر الفائدة و وصل سعر الفائدة في تركيا بمقدار 100 نقطة أي من 19% لحد 15% .

وعلشان تعمل تخفض سعر الفائدة لازم يبقي فيه اجراءات تقشفية ونفس طويل الامد ويكون فيه دعم وتأييد إلي اخر النفس ويكونوا علي قلب رجل واحد يتحلموا العواقب الناتج من السياسة دي.

لكن ازاي تقلل سعر الفائدة في ظل التضخم الرهيب ده؟ اللي ممكن يزود التضخم بشكل كارثي.

ضيف علي ده

ان سمعته تبقي سيئة عالميا داخل المجتمع الأقتصادي ليه؟

لو هو عمل كده واللي اتخد سياسة خفض سعر الفائدة في سيبل انه يوصله للفائدة السالبة هو البنك المركزي هنقول ماشي اشطا لأن القرار ده اقتصادي اللي بيختصه البنك المركزي فقط ودي اسمها أستقلالية البنك المركزي ومينفعش رئيس يدخل ويتدخل في قرارات البنك المركزي بحيث يتخذه بمزاجه ويبقول انه له ابعاد سياسية وداخل علي انتخابات وكده.

فبيأمر البنك المركزي انه يخفض سعر الفائدة و في السنة اللي فات أمر البنك بإنه يرفع سعر الفائدة و بالتالي البنك المركزي ملوش أستقلالية.

وده تبرير لسحب المستثمريين الأجانب من الاستثمار في تركيا لانه مفيش اي مصداقية في الأستثمار في البلد دي.

والأسوا انه لما بيدي أمر لمحافظ البنك المركزي لازم ينفذ الأمر ده وإلا يمشيه فورا

لو رجعنا بمثال البنوك الاروربية اللي أتخذ قرار سياسة الفائدة السابة هو البنوك المركزية الاروربية وهكذا في كل البنوك المركزية.

لان النبوك المركزية فيها محاسبيين علي اعلي مستوي عندهم كل القوائم المالية اللي تخص الدولة دخل الفرد، الصادرات، الواردات، وكل الارقام دي مسؤليين عنها وهما بيتخذوا القرارات دي و الرئيس بس مطالب منه ان يدعم القرارات دي وكل الدول ماشية بالنظام ده بذات في مصر و بالاضافة في اللي قولناه عن مصر هتغرق في بحر الديون.. "الاسطوانة المشروخة".

احنا في الجمهورية المصرية في سنة 2015 م كان العجز التجاري بـ 53.4 مليار دولار و دلوقتي في سنة 2020 العجز التجاري وصل لـ 38.3 مليار دولار .

فللاسف اردوغان دخل كل حاجة في بعضها سياسة واقتصاد سمك لبن تمر هندي ده غير العنتريات و الخطابات الشعبوبية ونسبه كخليفة المسلمين في العالم الاسلامي الذي يستهدفه الدول الصليبية حتي لا تقوم مرة اخري و الكلام اللي ديما بنسمعه من سيادته.

في ظل التضخم ده ملهاش وصف غير وصف الألمان قالوا:

أردوغان يسعي لتبير رحلة الي قمر في ظل الأزمة الأقتصادية

فاللي ازاي عمل رحلة الي القمر يجمع شوية طوب كده و يحللهم في حين انه يدخر فانه يحل مشكلة التضخم ده و بعد ما التضخم يقل يعمل خطة طويلة المد في انه يقلل من سعر الفائدة و الناس ساعتها ممكن تستحمه لكن اللي بيحصل ده بيقلل من شعبية اردوغان بشكل كبير جدا.

طيب اوكي ماشي بس ثواني كل الكلام ده طيب ليه اصلا فيه تضخم في تركيا؟

علي حسب كلام المعارضة التركية فقالوا ان التضخم ده بسبب حاجات كتيرة اهمها سوء إدارة في أولويات الإستثمار في الداخل التركي يعني اكتر حاجة فيها تضخم السلع الغذائية و مفيش اهتمام بالزراعة زي الاهتمام بقطاع الصناعة والبناء والتشييد.

وأهم سبب و ده السبب الجوهري للتضخم ده هو السياسات الخارجية تجاه دول كتير (قلة ادبه في الخارج) بسبب كده تركيا بلد السياحة واللي كان بيضرب بيها مثل اقوي الاقتصاديات بقيت منبوذة يعني ازاي مستثمر اجنبي هيستثمر في دولة عاملة حرب وبتنشر عمليات عسكرية علي الاكراد في شمال عراق وسوريا كذالك في بحر إيجا و البحر المتوسط وصدامه مع المجتمع الدولي نهايا بالمشاكل مع دول شمال افريقيا ودعمه للأرهاب.

الجيش التركي

كل الكلام ده بيقت دولة منبوذة فعلي أي اساس هتم فيه استثمار في البلد ده؟

نيجي عن السؤال الأهم..

هل هينهار الأقتصاد التركي؟

رغم كل التفاصيل اللي قرايتها في المقال لكن محدش عنده نتيجة يقينية مادية عن الموضوع ده ولكن علشان يتخذ السياسات اللي بيتخذها رجب طيب اردوغان لازم يكون فيه تمويلات خارجية وقنوات للصناعة و توريد الصناعات دي بحيث انه يقوم بشكل احسن و ينجو من الأزمة دي.

فده بيدخلنا لسؤال مهم جدا دولة زي دي مينفعش يتم دعم في ظل النهيار الاقتصادي اللي بتمر عليها وممكن تتفاقم مينفعش أحط فيها استثمارات و لو حصل كده يبقي أنا بدعم النظام ده.

ناحية قطر متافهميين الموضع ده بانهم عايزين ينشروا الخلافة العثمانية وكلام ده اللي كلنا عارفينه من زمان.

انما الامارات بتعمل كده ليه؟

يعتبر التوقيت الحالي في ان يتم فيه اختناق اقتصادي في تركيا هو الوقت ده ليه بيتم دعمه؟

انت ممكن تقوله دعوة زيارتين علي ماشي انما استثمار بمليارات ليه؟

لان خلي بالك تركيا عدو لينا احنا المصريين لو قامت بتضرب في وشنا و احنا الل بنضرر.

يعني أنا راضي ذمتكم انتوا كنتوا بتسمعوا عن تركيا م ن 2001؟ يعني كان بلد مهمشة تماما و اول ما ابتديت قوم من علي حيلها قامت ضربت في وشنا وفجأة قال لنفسه أنا خليفة المسلمين علينا احنا ودك ليبيا وادعم مليشيات سورية بالعبيط و احتل شمال سوريا و العراق و ابني فيها سدود و اقطع المياه حاجة في منتهي البجاحة.

وعدوتنا ليهم من زمان مش علشان اخوان و مش عراف ايه لا عدوتنا من زمان من اول ما سليم الاول دخل مصر ودخل معاه الخراب بعده للبلد.

ده صراع حضارات بين مصر و تركيا

فأنت ده مش تريحه لا انت تمرجحه في الوقت ده تقوم الامارات تدعمه؟

اوكي الامارات علي عينا رأسنا وده رأيي انت مينفعش تضخ استثمارات و تديه منح علشان اول ما يقوم يقوم ضارب فينا ويستخدم المنح دي ضدنا.

الخلاصة

الحاجة الوحيدة اللي ممكن تخيلها تنقذ اقتصادها هي ان الشعب يلتفه حوله ويرضوا بالتضخم ده او لو محصلش كده مع الوقت ممكن الاقتصاد يضرب في وش اردوغان علي طول لو استمر في سياسته تجاه الاقتصاد وبالتالي هيأثر علي الانتخابات عنده بشكل كبير جدا والاهم من كل ده ان محدش يدعمه ابدا.

#قومي